Bell Every News Here
ప్రచురించబడింది ద్వారా భావన
Chandranna Kanukalu : కూటమి ప్రభుత్వం (NDA ప్రభుత్వం) లో మరోసారి చంద్రన్న కానుకలు ఇచ్చేందుకు రెడీ అవుతోంది. గతంలోనూ టీడీపీ (టీడీపీ) ప్రభుత్వం ఈ పథకాన్ని అమలు చేసిన సంగతి తెలిసిందే. ఈ చంద్రన్న కానుక సంక్రాంతి, క్రిస్మస్, రంజాన్ తోఫా వంటి పేర్లతో వీటిని అందించింది. అయితే ఆ తరువాత రాష్ట్రంలో అధికారంలోకి వచ్చిన ప్రభుత్వం వాటిని నిలిపేసింది.
తాజాగా, ఇప్పుడు మళ్లీ ఆ కానుకలను పంపిణీ చేయాలని ప్రభుత్వం నిర్ణయించింది. ఈ పథకాలను పునరుద్ధరించేందుకు పౌరసరఫరాలశాఖ కసరత్తు మొదలు పెట్టింది. పేదలకు పంపిణీ చేసే ఈ కానుకల కోసం ప్రభుత్వం సంవత్సరానికి రూ. 538 కోట్లు ఖర్చు చేయాల్సి ఉంటుంది. ఈ లెక్కన ఐదేళ్లకు రూ. 2,690 కోట్ల అదనపు భారం ప్రభుత్వంపై పడనుందని సమాచారం.
ఈ పథకం కింద సంక్రాంతి , క్రిస్మస్ లకు అందజేసే కానుకలో అరకేజీ కందిపప్పు, అరకేజీ శనగపప్పు, అరకిలో బెల్లం, అర లీటరు పామాయిల్, కిలో గోధుమపిండి,100 గ్రాముల నెయ్యితో కూడిన కిట్లను కార్డుదారులకు అందిస్తారు. అయితే, రంజాన్ తోఫాలో మాత్రం 2 కేజీల పంచదార, 5 కేజీల గోధుమపిండి, కేజీ సేమ్యా, 100 గ్రాముల నెయ్యి కూడా అందిస్తారు. అలాగే, రెగ్యులర్ కోటా కింద రేషన్‌కార్డు (రేషన్ కార్డు) దారులకు ఉచిత బియ్యంతోపాటు పంచదార, కందిపప్పు, గోధుమపిండి, జొన్నలు, సజ్జలు కూడా అందించాలని ప్రభుత్వం భావిస్తుంది.
Also Read: ఉత్తర కొరియాకు మేకలిచ్చిన రష్యా… ఎందుకో తెలుసా!
[vuukle]