Bell Every News Here
సీఎం చంద్రబాబు: ఢిల్లీ పర్యటన ముగించుకొని నిన్న సీఎం చంద్రబాబు ఏపీకి చేరుకున్నారు. రాష్ట్ర అభివృద్ధి విషయంపై ఆయన ప్రధాని మోదీతో సహా పలువురు కేంద్ర మంత్రులతో భేటీ అయ్యారు. ఢిల్లీ పర్యటన అనంతరం మరో పర్యటనకు సిద్దమయ్యారు సీఎం చంద్రబాబు. ఈరోజు తిరుపతి, నెల్లూరు జిల్లాల్లో ఆయన పర్యటించనున్నారు. ఈ పర్యటనలో భాగంగా సోమశిల జలాశయాన్ని పరిశీలిస్తారు.
జలాశయ మరమ్మతు పనులపై అధికారులతో సమీక్ష నిర్వహించనున్నారు. ఈ సమీక్షలో మంత్రులు ఆనం రాంనారాయణరెడ్డి, నారాయణ పాల్గొంటారు. సమీక్ష అనంతరం మధ్యాహ్నం సత్యవేడు శ్రీసిటిలో సీఎం పర్యటిస్తారు. కొన్ని పరిశ్రమలకు భూమిపూజ, మరి కొన్నిటికి ప్రారంభోత్సవాలు చేయనున్నారు. సీఎం పర్యటన దృష్ట్యా పోలీసులు భారీ బందోబస్తు ఏర్పాటు చేశారు. సీఎం హోదాలో చంద్రబాబు తమ జిల్లాలకు వస్తున్న నేపథ్యంలో టీడీపీ శ్రేణులు పెద్ద ఎత్తున స్వాగతం పలికేందుకు ఏర్పాట్లు చేశారు.
[vuukle]