- సరిపోదా శనివారంతో ప్రేక్షకుల ముందుకు నాని
- ప్రీ రిలీజ్ ఈవెంట్ డేట్ లాక్
- సుదర్శన్ థియేటర్లో ట్రైలర్ విడుదల
Saripodhaa Sanivaaram Pre Release Event Date: దసరా, హాయ్ నాన్న సినిమాలతో వరుస హిట్స్ కొట్టిన ‘నేచురల్ స్టార్’ నాని త్వరలో ‘సరిపోదా శనివారం’ చిత్రంతో ప్రేక్షకుల ముందుకు రాబోతున్నాడు. నానితో ‘అంటే సుందరానికి’ లాంటి క్లాసిక్ సినిమా తీసిన వివేక్ ఆత్రేయ ఈ చిత్రంకు దర్శకత్వం వహించారు. డీవీవీ ఎంటర్టైన్మెంట్స్ నిర్మాణంలో ఈ సినిమా తెరకెక్కింది. ఇప్పటికే చిత్రీకరణ పూర్తి చేసుకున్న సరిపోదా శనివారం మూవీ ఆగస్టు 29న ప్రేక్షకుల ముందుకు రానుంది. తాజాగా ఈ సినిమాకు సంబందించిన ప్రీ రిలీజ్ ఈవెంట్ డేట్ లాక్ అయింది.
సరిపోదా శనివారం చిత్రం ప్రీ రిలీజ్ ఈవెంట్ ఆగష్టు 24న జరగనుంది. ఈ విషయాన్ని డీవీవీ ఎంటర్టైన్మెంట్స్ తన ఎక్స్ ఖాతా ద్వారా ప్రకటించింది. అయితే ప్లేస్ ఎక్కడో మాత్రం ప్రకటించలేదు. అయితే హైదరాబాద్లోనే జరిగే అవకాశాలు ఎక్కువగా ఉన్నాయి. ప్రీ రిలీజ్ ఈవెంట్కు రెబల్ స్టార్ ప్రభాస్ లేదా పవర్ స్టార్ పవన్ కల్యాణ్ను ముఖ్య అతిథిగా తీసుకురావాలని ఫాన్స్ కామెంట్స్ చేస్తున్నారు. ఇటీవల సుదర్శన్ థియేటర్లో సరిపోదా శనివారం ట్రైలర్ విడుదల ఘనంగా జరిగిన విషయం తెలిసిందే.
Also Read: Imanvi Esmail: అందుకే ప్రభాస్కు జోడిగా ఇమాన్వీని ఎంపిక చేశా: హను రాఘవపూడి
సరిపోదా శనివారం సినిమాలో నాని సరసన ప్రియాంక మోహన్ కథానాయికగా నటించారు. డైరెక్టర్ ఎస్జే సూర్య ప్రతినాయకుడిగా నటించారు. మాస్ కమర్షియల్ సినిమాలా ఇది ఉండబోతుందని అంటున్నారు. పాన్ ఇండియా సినిమాగా తెలుగు, తమిళ్, హిందీ, మలయాళం భాషల్లో రిలీజ్ కాబోతుంది. ఈ సినిమాతో హిట్ కొట్టి నాని మరోసారి హ్యాట్రిక్ కొడతాడని ఫాన్స్ భావిస్తున్నారు.
#SaripodhaaSanivaaram Pre Release Event on AUGUST 24th
— DVV Entertainment (@DVVMovies) August 21, 2024