కూల్చివేతలపై హైడ్రాకు తెలంగాణ హైకోర్టు గ్రీన్ సిగ్నల్ ఇచ్చింది. జన్వాడ ఫాంహౌస్ కూల్చివేతను ఆపాలని కేటీఆర్ మిత్రుడు ప్రదీప్ రెడ్డి హైకోర్టులో పిటిషన్ దాఖలు చేసిన విషయం తెలిసిందే. ఈ పిటిషన్ పై విచారణ నిర్వహించిన హైకోర్టు కీలక ఆదేశాలను జారీ చేసింది. జన్వాడ ఫామ్‌హౌస్‌ కూల్చివేతపై జీవో 99 ప్రకారం నడుచుకోవాలని హైడ్రాకు ఆదేశాలిచ్చింది. అనుమతులు ఉన్నాయా? FTL పరిధిలో ఉందా? అన్న విషయం పరిశీలించాకే ముందుకెళ్లాలని సూచించింది.
జన్వాడ ఫామ్‌హౌస్‌కు సంబంధించిన పత్రాలను పరిగణలోకి తీసుకోవాలని హైడ్రాకు హైకోర్టు సూచించింది. కూల్చివేతలపై స్టే ఇవ్వాలంటూ దాఖలైన పిటిషన్‌ను న్యాయ స్థానం తోసి పుచ్చింది.ఈ ఫాంహౌస్ కేటీఆర్ ది అన్న ప్రచారం సోషల్ మీడియాలో జోరుగా సాగింది. అయితే.. ఈ అంశంపై కేటీఆర్ ఈ రోజు స్పందంచారు. తనకు ఎక్కడా ఫాంహౌస్ లేదని స్పష్టం చేశారు.
కొన్నాళ్లు తన మిత్రుడి ఫాంహౌస్ ను తాను వాడుకున్నట్లు చెప్పారు. అయితే.. అది నిబంధనలు ఉల్లంఘించి నిర్మించినట్లు తేలితే తానే దగ్గర ఉండి కూల్చివేయిస్తానన్నారు. ఈ ఫాంహౌస్ తో పాటు రేవంత్ రెడ్డి, పొంగులేటి శ్రీనివాస్ రెడ్డి, వివేక్ వెంకటస్వామి ఫాం హౌస్ లను కూడా పరిశీలిద్దాం రావాలని కాంగ్రెస్ నేతలకు సూచించారు.
