పై ఫొటోలో రాముడి మంచి బాలుడిలా అమాయకంగా కనిపిస్తోన్న ఈ పిల్లాడిని గుర్తు పట్టారా? ఈ బుడ్డోడు పెరిగి పెద్దగయ్యాడు. అంతేకాదు భారతీయ సినిమా ఇండస్ట్రీ గర్వించదగ్గ నటుల్లో ఒకరిగా గుర్తింపు తెచ్చుకున్నాడు. కెరీర్ ప్రారంభంలో స్టార్ హీరోల సినిమాల్లో సపోర్టింగ్ రోల్స్ చేసుకుంటూ వచ్చిన ఈ నటుడు ఆ తర్వాత అదే స్టార్ హీరోలకు పోటీగా మారిపోయాడు. ప్రస్తుతం హీరోగా అభిమానులను అలరిస్తూనే విలన్ గానూ మెప్పిస్తున్నాడీ వర్సటైల్ యాక్టర్. అయితే గత కొంత కాలంగా సోలో హిట్ లేక సతమతమవుతోన్న ఈ హీరోకు ఇటీవలే ఒక బ్లాక్ బస్టర్ మూవీ పడింది. దీంతో ఈ హీరో పేరు ఇప్పుడు మార్మోగిపోతోంది. అతను నటించిన లేటెస్ట్ సినిమా బ్లాక్ బస్టర్ టాక్ తో దూసుకెళుతోంది. కోలీవుడ్ బాక్సాఫీస్ వద్ద కనివినీ ఎరుగుని కలెక్షన్లు రాబడుతోంది. ఇప్పటికే వంద కోట్లను దాటేసింది. ఇక తెలుగులోనూ ఈ సినిమాకు వసూళ్ల మోత మోగుతోంది. అలా ప్రస్తుతం ట్రెండింగ్ లో ఉన్న ఈ బుడ్డోడుమరెవరో కాదు మహారాజ మూవీ హరో విజయ్ సేతుపతి. ఇది అతని స్కూల్ డేస్ నాటి ఫొటో. మహారాజా మూవీ కలెక్షన్ల నేపథ్యంలో ప్రస్తుతం విజయ్ సేతుపతికి సంబంధించి ఏ విషయమైనా ఇప్పుడు నెట్టింట తెగ వైరలవుతోంది.
సినిమా ఇండస్ట్రీలో ఎలాంటి బ్యాక్ గ్రౌండ్ లేకుండా స్వయంకృషితో ఎదిగిన అతి కొద్ది మంది నటుల్లో విజయ్ సేతుపతి ఒకరు. కెరీర్ ప్రారంభంలో ధనుష్, కార్తి వంటి స్టార్ హీరోల సినిమాల్లో సైడ్ యాక్టర్ గా నటించిన ఆయన ఆ తర్వాత హీరోగా మారిపోయాడు. ఇక అవసరమైనప్పుడూ విలన్ గానూ భయపెడుతున్నాడీ వర్సటైల్ యాక్టర్. తెలుగు రాష్ట్రాల్లోనూ సేతుపతికి భారీగా అభిమానులు ఉన్నారు. అందుకే అతను నటించిన ప్రతి సినిమా తెలుగులోనూ విడుదల అవుతుంటుంది. సైరా, ఉప్పెన వంటి స్ట్రెయిట్ సినిమాల్లో యాక్ట్ చేశారు విజయ్. తాజాగా ఆయన నటించిన చిత్ర మహారాజా కోలీవుడ్ బాక్సాఫీస్ రికార్డులు బద్దలు కొడుతోంది. జూన్ 14న ప్రేక్షకుల ముందుకు వచ్చిన ఈ యాక్షన్ డ్రామా భారీ కలెక్షన్లు సొంతం చేసుకుంటోంది. ఇక ఉప్పెన తర్వాత బుచ్చిబాబు తెరకెక్కిస్తోన్న RC 16 లోనూ విజయ్ సేతుపతి నటించనున్నట్లు సమాచారం. త్వరలోనే దీనికి సంబంధించి అధికారిక ప్రకటన వెలువడనున్నట్లు సమాచారం.
ఇవి కూడా చదవండి
మహరాజా సినిమాకు బ్లాక్ బస్టర్ టాక్..
Witness the strength of a father’s love #Maharaja In theatres now #VJS50 #MakkalSelvan @VijaySethuOffl
Written and Directed by @Dir_Nithilan pic.twitter.com/xiIOQ3jRbD
— MakkalSelvan FansClub (@MakkalSelvanFC) June 18, 2024
మరిన్ని సినిమా వార్తల కోసం ఇక్కడ క్లిక్ చేయండి.