సైన్స్‌ ఫిక్షన్‌ అండ్‌ మైథాలాజికల్‌ థ్రిల్లర్‌గా తెరకెక్కుతున్న ‘రహస్యం ఇదం జగత్’ చిత్రంలో సైన్స్‌ ఫిక్షన్‌తో పాటు పురాణాలు, ఇతిహాసాలకు సంబంధించిన ఎన్నో ఆసక్తికరమైన విషయాలు ఉన్నాయని ఈ చిత్రం ప్రమోషన్‌ కంటెంట్‌ చూస్తే అర్థమవుతోంది. రాకేష్‌ గలేబి, స్రవంతి పత్తిపాటి, మానస వీణ, భార్గవ్‌ గోపీనాథం ముఖ్యతారలుగా రూపొందుతున్న ఈ చిత్రాన్ని సింగిల్‌ సెల్‌ యూనివర్శ్‌ ప్రొడక్షన్‌ పతాకంపై కోమల్‌ ఆర్‌ భరద్వాజ్‌ దర్శకత్వంలో పద్మ రావినూతుల, హిరణ్య రావినూతుల నిర్మిస్తున్నారు. నవంబరు 8న చిత్రం ప్రేక్షకుల ముందుకు రానుందని మేకర్స్ వెల్లడించారు. ఇటీవల విడుదల చేసిన ఈ చిత్ర టీజర్‌కు మంచి రెస్పాన్స్ లభించింది. తాజాగా ఈ చిత్రం ట్రైలర్‌ను దర్శకుడు చందు మొండేటి విడుదల చేశారు.
ఈ సందర్భంగా చందు మొండేటి మాట్లాడుతూ.. ‘ఈ టీజర్‌ చూసి ఎగ్జైట్‌ ఫీలయ్యాను. పర్టిక్యులర్‌ ఈ వామ్‌హోల్‌ కాన్సెప్ట్‌ గురించి చెప్పాలంటే.. 2014లో మిస్‌ అయిన ఓ ఫ్లైట్‌ శకలాలు కూడా మిగలలేదు. టెక్నాలజీ ఇంత డెవలప్‌ అయిన టైమ్‌లో ఇలా జరగడం పట్ల నేను డీప్‌గా పరిశోధించినప్పుడు వామ్‌హోల్‌ అనే కాన్సెప్ట్‌ కనపడింది. అది బిలివబుల్‌గా లేదు.. అనిపించినప్పుడు దీనికి పురాణాలు, హనుమంతుడు. స్కంద పురాణం, నారథుడ. ఆ రెండింటిని బ్యాలెన్స్‌ చేస్తూ వస్తే అమేజింగ్‌గా కనపడింది. మన పురాతన ధర్మానికి ఇది రిలేటెడ్‌గా అనిపించింది. ఈ సినిమా తీయడం చాలా కష్టం. తప్పకుండా ఈ చిత్రం అందర్ని అలరిస్తుందనే నమ్మకం ఉంది. అందరికీ ఆల్‌ ది బెస్ట్‌’ అని అన్నారు.
దర్శకుడు కోమల్‌ ఆర్‌.భరద్వాజ్‌ మాట్లాడుతూ.. ‘బిగ్‌థ్యాంక్స్‌ టు చందు మొండేటి.. నాకు కార్తికేయ ఇన్‌స్పిరేషన్‌. ఇండియన్‌ హిస్టరిని ఆ సినిమా ద్వారా అందరికీ చాటి చెప్పారు. ఆయన ప్రేరణతో ఈ సినిమా రూపొందించాను. ఈ సినిమా ఓన్లీ మైథాలజీ కాదు.. రాముడు, హనుమంతుడికేనా.. మనకు కూడా జరుగుతుందా.. అని వేసే ఓ చిన్న పిల్ల ప్రశ్నకు సమాధానంగా ఉంటుంది. అందరికీ గొప్ప థియేట్రికల్‌ ఎక్స్‌పీరియన్స్‌ ఇచ్చే సినిమా ఇది. సైన్స్‌ ఫిక్షన్‌కు మైథాలాజికల్‌ అంశాలు జోడించి నేటి తరం ప్రేక్షకుల మెప్పు పొందే విధంగా ఈ చిత్రాన్ని రూపొందించాం. కల్కి, హనుమాన్, కార్తికేయలా ఇది మైథలాజికిల్‌ సినిమా. తప్పకుండా ఈ చిత్రం అందరిన్ని కొత్త ప్రపంచంలోకి తీసుకెళ్లి సర్ప్రైజ్ చేస్తుందనే నమ్మకం ఉంది’ అని అన్నారు.
The post డైరెక్టర్ చందు మొండేటి చేతుల మీదుగా ‘రహస్యం ఇదం జగత్’ ట్రైలర్ లాంచ్ first appeared on Latest Telugu Movie News, Reviews, OTT, OTT Reviews, Ratings.