Published on Dec 10, 2024 11:04 AM IST
ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ తెరకెక్కించిన భారీ పాన్ ఇండియా చిత్రం “పుష్ప 2 ది రూల్” కోసం అందరికీ తెలిసిందే. మరి ఎన్నో అంచనాలు సెట్ చేసుకున్న ఈ చిత్రం భారీ వసూళ్లతో దుమ్ము లేపుతుండగా సినిమాకి హిట్ టాక్ తో పాటుగా చాలా ప్రశ్నలని సుకుమార్ అలా వదిలేసారు అనే టాక్ కూడా ఆడియెన్స్ లో ఉంది.
అయితే వీటిలో మళయాళ టాలెంటెడ్ నటుడు ఫహద్ ఫాజిల్ చేసిన భన్వర్ సింగ్ షెకావత్ రోల్ ఎంత పవర్ఫుల్ అనేది కూడా అందరికీ తెలుసు. అయితే పుష్ప 2 తన రోల్ ని ముందు చనిపోయినట్టుగా చూపించారు కానీ మళ్ళీ చివరిలో ముఖం కనిపించకుండా కాలిన చేతితో ఒకరు కనిపిస్తారు. దీనితో ఇది అతనే అని కొంతమంది వాదిస్తుంటే లేదు షెకావత్ చనిపోయాడు అంటూ కొందరు అంటున్నారు.
మరి ఈ కీలక అంశంపై ఓ ఇంట్రెస్టింగ్ లీక్ బయటకి వచ్చింది. పుష్ప 2 సినిమాలో సండ్ర చెక్కల బ్లాస్ట్ లో కాలిపోతున్న షెకావత్ ని బయటకి తీసుకొచ్చి కాపాడిన ఓ విజువల్ అయితే ఇపుడు సోషల్ మీడియాలో చక్కర్లు కొడుతోంది. దీనితో పుష్ప 2 లో ఈ సీన్ తీసేసారు అని కామెంట్స్ వినిపిస్తున్నాయి. సో షెకావత్ సార్ బతికే ఉన్నారు అంటూ మళ్ళీ ఇంట్రెస్టింగ్ టాక్ మొదలైంది. మరి ఇందులో ఎంతవరకు నిజం ఉంది అనేది వేచి చూడాలి.