టాలీవుడ్ యంగ్ అండ్ టాలెంటెడ్ హీరో ఆది సాయి కుమార్ ప్రస్తుతం ఓ సాలిడ్ హిట్ కోసం ఎదురు చూస్తున్నాడు. మరి తనకి హిట్ ప్లాప్ తో సంబంధం లేకుండా కొత్త కాన్సెప్ట్ లని చేయడంలో తాను మాత్రం ఆగడం లేదు. అలా తాను స్టార్ట్ చేసిన మరో ఇంట్రెస్టింగ్ సూపర్ నాచురల్ థ్రిల్లర్ సినిమానే “శంబాల”. మరి మన దేశపు పురాణాల కోసం ఏమాత్రం ఐడియా ఉన్నవారికి అయినా శంబాల అనే పదం బాగా తెలిసే ఉంటుంది. రీసెంట్ గా కల్కి 2898 ఎడి సినిమాలో కూడా దీనిని చూపించి ఎగ్జైట్ చేశారు. మరి సరిగా ఇదే కాన్సెప్ట్ తో ఆది సాయి కుమార్ రాబోతున్నాడు.
దీనిపై ఓ ఇంట్రెస్టింగ్ అనౌన్సమెంట్ పోస్టర్ ని కూడా మేకర్స్ ఇపుడు విడుదుల చేశారు. టైటిల్ పోస్టర్‌లో ఒక్క మనిషి కూడా లేని గ్రామం, ప్రళయానికి ముందు భీకరంగా ఉన్న ఆకాశం, మబ్బుల్లో ఓ రాక్షస ముఖం ఇవన్నీ చూస్తుంటే ‘శంబాల’ కథలో మంచి హారర్ ఎలిమెంట్స్ కూడా ఉన్నట్టు కనిపిస్తుంది. అయితే ఆ మధ్య ఆడియెన్స్ ని థ్రిల్ చేసిన ‘ఏ’ యాడ్ ఇన్‌ఫినిటిమ్ అనే డిఫరెంట్ మూవీతో దర్శకుడిగా మంచి గుర్తింపు తెచ్చుకున్న యుగంధర్ ముని ఈ సినిమాకు దర్శకత్వం వహించడం విశేషం. తన తొలి సినిమా తరహాలోనే ‘శంబాల’ను కూడా ఓ డిఫరెంట్ వరల్డ్‌లో డిఫరెంట్ టోన్‌లో రూపొందిస్తున్నారట.
అలాగే సూపర్ నేచురల్ హారర్ థ్రిల్లర్‌గా తెరకెక్కుతున్న ఈ సినిమాలో ఇండియన్ స్క్రీన్ మీద ఇంత వరకు టచ్‌ చేయని డిఫరెంట్ స్టోరీ లైన్‌ను చూపించబోతున్నారు. అమెరికాలోని న్యూయార్క్‌ ఫిలిం అకాడమీలో ఫిలిం మేకింగ్‌ ట్రైనింగ్‌ తీసుకున్న యుగంధర్, ‘శంబాల’ సినిమాను హాలీవుడ్ స్థాయిలో హై టెక్నికల్ స్టాండర్డ్స్‌తో, గ్రాండ్ విజువల్స్‌తో రూపొందిస్తున్నారు.
అలాగే టెక్నికల్ పరంగా కూడా హాలీవుడ్ రేంజ్‌ టెక్నీషియన్స్‌నే తీసుకున్నారు యుగంధర్. డ్యూన్, ఇన్సెప్షన్, బ్యాట్ మ్యాన్, డన్ కిర్క్ సినిమాలకు మ్యూజిక్ డైరెక్టర్ అయిన హాన్స్‌ జిమ్మర్‌ లాంటి లెజెండరీ హాలీవుడ్ కంపోజర్స్‌తో కలిసి వర్క్ చేసిన ఇండియన్ మ్యూజీషియన్‌ శ్రీరామ్‌ మద్దూరి ఈ సినిమాకు సంగీతమందిస్తున్నారు. బ్యాక్‌గ్రౌండ్స్ స్కోర్స్ విషయంలోనూ ఇంతకు ముందు ఏ సినిమాలో ఎక్స్‌పీరియన్స్ చేయని కొత్త సౌండింగ్‌ను ఈ సినిమాలో వినిపించబోతున్నారు. అలాగే ఈ చిత్రం అతి త్వరలోనే విడుదలకి రాబోతుంది.
The post ఇంట్రెస్టింగ్ సూపర్ నేచురల్ హారర్ థ్రిల్లర్ తో ఆది సాయి కుమార్ “శంబాల” first appeared on Latest Telugu Movie News, Reviews, OTT, OTT Reviews, Ratings.