Chat on WhatsApp
Published on Nov 6, 2024 8:38 AM IST
రావుల వెంకటేశ్వర్ రావు సమర్పణలో అన్వికా ఆర్ట్స్ పతాకంపై ఏఐ ఎంటర్‌టైన్‌మెంట్స్ కలయికలో నిర్మించిన చిత్రం “ఆదిపర్వం”. ఈ సినిమాలో మంచు లక్ష్మి, ఎస్తేర్, శివ కంఠమనేని ప్రధాన పాత్రల్లో నటిస్తున్నారు. మరో కీలక పాత్రను ఆదిత్య ఓం పోషిస్తున్నారు. ఎర్రగుడి నేపథ్యంలో అమ్మవారి చుట్టూ అల్లుకున్న పీరియాడిక్ ప్రేమకథతో గ్రాఫిక్స్ ప్రధానంగా “ఆదిపర్వం” చిత్రాన్ని రూపొందిస్తున్నారు దర్శకుడు సంజీవ్ మేగోటి. “ఆదిపర్వం” సినిమా ఈ నెల 8న ప్రపంచవ్యాప్తంగా గ్రాండ్ థియేట్రికల్ రిలీజ్ కు రాబోతోంది. ఈ చిత్ర ప్రీ రిలీజ్ ఈవెంట్ ను హైదరాబాద్ లో ఘనంగా నిర్వహించారు.
ఈ కార్యక్రమంలో డైరెక్టర్ సంజీవ్ మేగోటి మాట్లాడుతూ.. ‘మహాభారతంలో 18 పర్వాలు. మా సినిమా మొదలై 18 నెలలు అవుతోంది. ఈ నెల 8వ తేదీన “ఆదిపర్వం” తెలుగు, కన్నడలో రిలీజ్ చేస్తున్నాం. మరో వారం రోజుల తర్వాత తమిళం, మలయాళంలో విడుదల చేస్తాం. ఈ చిత్రంలో గ్రాఫిక్స్, యాక్షన్ ఆకట్టుకుంటాయి. మంచు లక్ష్మీ గారికి పేరు తెచ్చే చిత్రమవుతుంది. అలాగే హనుమంతు క్యారెక్టర్ లో ఆదిత్య ఓం నటన హైలైట్ గా నిలుస్తుంది. ఈనెల 8వ తేదీన రిలీజ్ అవుతున్న చిత్రాల్లో “ఆదిపర్వం” ది బెస్ట్ మూవీగా నిలుస్తుంది.’ అని అన్నారు.
నిర్మాత ప్రసన్నకుమార్ మాట్లాడుతూ.. ‘టీజర్ చూసే ప్రేక్షకులు సినిమాకు వెళ్లాలా వద్దా అని డిసైడ్ అవుతున్నారు. “ఆదిపర్వం” కంటెంట్ లో ప్రేక్షకుల్ని ఆకర్షించే అంశాలు ఉన్నాయి. డివోషనల్, యాక్షన్ వంటి అన్ని ఎలిమెంట్స్ కలిపి ఈ సినిమాను సంజీవ్ గారు రూపొందించారు. “ఆదిపర్వం” పెద్ద విజయం సాధించాలని కోరుకుంటున్నా.’ అని అన్నారు.
నటుడు వెంకట్ రెడ్డి మాట్లాడుతూ.. ‘”ఆదిపర్వం” సినిమాలో చాలా పవర్ ఫుల్ డైలాగ్స్ ఉన్నాయి. అవి సినిమాకు ఆకర్షణగా నిలుస్తాయి. ఈ సినిమా తర్వాత సీక్వెల్ ప్లాన్ కూడా మా డైరెక్టర్ గారు చేస్తున్నారు. “ఆదిపర్వం” సినిమాను ఈ నెల 8వ తేదీన తప్పకుండా థియేటర్స్ లో చూస్తారని ఆశిస్తున్నా.’ అని అన్నారు.
హీరో ఆదిత్య ఓం మాట్లాడుతూ.. ‘ప్రతి నటుడికి, ఫిలిం మేకర్ కు ప్రేక్షకుల దగ్గర నుంచి వచ్చే స్పందనే ఆక్సీజన్ లాంటిది. “ఆదిపర్వం” సినిమాను మీరంతా థియేటర్స్ లో చూసి ఆ ప్రాణవాయువు మాకు అందిస్తారని కోరుకుంటున్నా. ఈ సినిమాలో హనుమంతు అనే కీ రోల్ చేశాను. ఇలాంటి మంచి క్యారెక్టర్ నాకు ఇచ్చిన దర్శకుడు సంజీవ్ గారికి థ్యాంక్స్. “ఆదిపర్వం”లో మీరు థ్రిల్ అయ్యేలా యాక్షన్, డివోషనల్ ఎలిమెంట్స్ ఉంటాయి. సినిమాకు చిన్నా పెద్దా తేడా లేదు. కంటెంట్ బాగున్న సినిమాను ప్రేక్షకులు తప్పకుండా ఆదరిస్తారనే నమ్మకం ఉంది. ఈ నెల 8న “ఆదిపర్వం” థియేటర్స్ లో చూడండి.’ అని అన్నారు.