Chat on WhatsApp
Published on Nov 24, 2024 10:00 PM IST
అభిషేక్ బచ్చన్ ప్రస్తుతం ‘ఐ వాంట్‌ టు టాక్‌’లో నటిస్తున్నాడు. ప్రస్తుతం ఈ సినిమా ప్రమోషన్స్‌లో భాగంగా ఇచ్చిన ఓ ఇంటర్వ్యూలో అభిషేక్ బచ్చన్ నెగటివిటీపై ఇంట్రెస్టింగ్ కామెంట్స్ చేశారు. ఇంతకీ, అభిషేక్ ఏం మాట్లాడారు అంటే.. ‘హిందీలో ఒక సూక్తి ఉంది. విషయం ఏదైనా సరే.. నువ్వు ఆచరించేది మంచి అయినప్పడు దానిని ఎప్పటికీ వదలకూడదు. అన్నింటి నుంచి నిన్ను నువ్వు అభివృద్ధి చేసుకుంటూ ముందుకు సాగాలి. ఇదే నేను నమ్ముతాను’ అని అభిషేక్ చెప్పుకొచ్చారు.
అభిషేక్ ఇంకా మాట్లాడుతూ.. ‘ముఖ్యంగా నేను నెగటివిటీని చూసి మారను. ఎప్పుడూ పాజిటివ్‌గానే ఉండాలనుకుంటాను. ప్రతి మనిషి జీవితంలో ఇలాంటివి సర్వసాధారణం అని నేను నమ్ముతాను. సమస్య ఎంత పెద్దది అయినా.. ఆశతో ముందుకు అడుగు వేయండి. అలా కాకుండా సమస్య వచ్చినప్పుడు దాని నుంచి దూరం వెళ్లిపోతే.. అది కూడా తప్పు అవుతుంది. ఏదైనా పాజిటివ్ గా ముందుకు వెళ్లడమే మంచిది’ అని అభిషేక్ బచ్చన్ తెలిపారు. ఇక ‘ఐ వాంట్‌ టు టాక్‌’ చిత్రాన్ని సూజిత్‌ సర్కార్‌ తెరకెక్కించారు.