కోలీవుడ్ స్టార్ అజిత్ కుమార్ వరుస సినిమాలతో ప్రేక్షకులను అలరిస్తూ దూసుకుపోతున్నాడు. హిట్స్ – ప్లాప్స్ తో సంబంధం లేకుండా తనదైన యాక్షన్ స్టైల్ లో సినిమాలు చేస్తూ ముందుకెళ్తున్నాడు. ఇటీవల “పట్టుదల” సినిమా చేసిన అజిత్, ఇప్పుడు “గుడ్ బ్యాడ్ అగ్లీ” అనే చిత్రంతో మరోసారి ప్రేక్షకుల ముందుకు రానున్నాడు.
ఈ సినిమా టీజర్ ఫిబ్రవరి 28, 2025 న విడుదల కాగా, 24 గంటల్లోనే 32 మిలియన్ వ్యూస్ దాటి తమిళ సినిమా ఇండస్ట్రీలో ఒకరోజు అత్యధిక వీక్షణలు పొందిన టీజర్ గా రికార్డు సృష్టించింది. ఈ చిత్రానికి అధిక్ రవిచంద్రన్ దర్శకత్వం వహిస్తుండగా, మైత్రి మూవీ మేకర్స్ నిర్మిస్తోంది. జి.వి. ప్రకాష్ కుమార్ సంగీతం అందిస్తున్నాడు.
అజిత్ చొక్కా ధర షాక్!
టీజర్ లో అజిత్ ధరించిన స్టైలిష్ చొక్కా అందరి దృష్టిని ఆకర్షించింది. ఈ చొక్కా ధర రూ. 1,80,000 అని తెలిసి అజిత్ అభిమానులు ఆశ్చర్యపోతున్నారు. ప్రస్తుతం ఈ చొక్కా సోషల్ మీడియాలో హాట్ టాపిక్ గా మారింది.
సినిమాపై భారీ అంచనాలు
ఈ సినిమాలో అజిత్ జోడీగా త్రిష నటిస్తోంది. అలాగే ప్రభు, ప్రసన్న, సునీల్, అర్జున్ దాస్, రాహుల్ దేవ్, యోగి బాబు ముఖ్య పాత్రల్లో కనిపించనున్నారు. టీజర్ రికార్డ్ బ్రేక్ చేయడంతో, ఈ సినిమా అజిత్ కెరీర్ లో మరో హిట్ గా నిలుస్తుందనే భారీ అంచనాలు నెలకొన్నాయి.
“గుడ్ బ్యాడ్ అగ్లీ” సినిమా విడుదల తేదీ కోసం అజిత్ ఫ్యాన్స్ ఆసక్తిగా ఎదురు చూస్తున్నారు. మరి ఈ యాక్షన్ ఎంటర్టైనర్ బాక్సాఫీస్‌ను ఏ రేంజ్ లో షేక్ చేస్తుందో చూడాలి!