Chat on WhatsApp
అల్లరి నరేశ్ కామెడీ హీరో నుండి సీరియస్ పాత్రల వరకు వైవిధ్యమైన పాత్రల్లో నటిస్తూ ప్రేక్షకులను అలరించే ప్రయత్నం చేస్తున్నాడు. ఆయన తాజాగా లీడ్ రోల్‌లో నటిస్తున్న మరో సీరియస్ మూవీ ‘బచ్చల మల్లి’ ప్రస్తుతం శరవేగంగా షూటింగ్ జరుపుకుంటోంది. ఈ సినిమాను దర్శకుడు సుబ్బు మంగాదేవి డైరెక్ట్ చేస్తుండగా, ఇప్పటికే రిలీజ్ అయిన ఈ చిత్ర పోస్టర్స్ సినిమాపై మంచి బజ్‌ని క్రియేట్ చేశాయి.
ఇక తాజాగా ఈ సినిమా రిలీజ్ డేట్‌ను మేకర్స్ లాక్ చేశారు. ఈ చిత్రాన్ని డిసెంబర్ 20న గ్రాండ్ రిలీజ్ చేయబోతున్నట్లు చిత్ర యూనిట్ తాజాగా అనౌన్స్ చేశారు. అల్లరి నరేశ్ మాస్ యాక్షన్ ఈ సినిమాను నెక్స్ట్ లెవెల్‌కి తీసుకెళ్తుందని చిత్ర యూనిట్ కాన్ఫిడెంట్‌గా చెబుతున్నారు. ఈ చిత్రానికి సంబంధించి తాజాగా రిలీజ్ డేట్ పోస్టర్‌ను మేకర్స్ రివీల్ చేశారు.
ఈ పోస్టర్‌లో రగడ్ లుక్‌లో అల్లరి నరేశ్ సినిమాపై అంచనాలను పెంచేస్తున్నాడు. ఇక ఈ సినిమాలో అమృత అయ్యర్ హీరోయిన్‌గా నటిస్తుండగా విశాల్ చంద్రశేఖర్ సంగీతం అందిస్తున్నాడు. రోహిణి, రావు రమేశ్, అచ్యుత్ కుమార్, బలగం జయరామ్ తదితరులు ఇతర ముఖ్య పాత్రల్లో నటిస్తున్న ఈ సినిమాను రాజేష్ దండ, బాలాజీ గుట్ట ప్రొడ్యూస్ చేస్తున్నారు.
The post రిలీజ్ డేట్ లాక్ చేసుకున్న ‘బచ్చల మల్లి’ first appeared on Latest Telugu Movie News, Reviews, OTT, OTT Reviews, Ratings.