Chat on WhatsApp
Published on Nov 23, 2024 4:57 PM IST
ఇపుడు ఓటిటిల హవా ఎలా ఉందో ప్రత్యేకంగా చెప్పాల్సిన పని లేదు. అయితే నేషనల్, ఇంటర్నేషనల్ లెవెల్లో చాలా ఓటిటిలు ఉన్నాయి కానీ మన తెలుగు నుంచి వచ్చిన “ఆహా” మాత్రం లోకల్ టు నేషనల్ లెవెల్లో రూల్ చేస్తున్నారని చెప్పాలి. ముఖ్యంగా ఇందులో ఒరిజినల్ కంటెంట్ సహా నట సింహం నందమూరి బాలకృష్ణతో స్టార్ట్ చేసిన అన్ స్టాప్పబుల్ అనే క్రేజీ టాక్ షో భారీ హిట్ అయ్యి ఇపుడు నాల్గో సీజన్లోకి వచ్చింది.
అయితే రీసెంట్ గా ఐకాన్ స్టార్ అల్లు అర్జున్ ఈ షోలో పాల్గొనగా మొత్తం రెండు ఎపిసోడ్స్ గా దీనిని తీసుకొచ్చారు. అయితే రెండో ఎపిసోడ్ ఇపుడు రికార్డులు బ్రేక్ చేసినట్టుగా తెలుస్తుంది. బన్నీ ఇద్దరు చిన్నారులు అలాగే బాలయ్యతో కలిపి ఎంతో ఇంట్రెస్టింగ్ గా ఎంతో ఎంటర్టైనింగ్ గా సాగిన ఈ ఎపిసోడ్ కి భారీ మొత్తంలో ఎంగేజ్మెంట్ ఆహా లో వచ్చిందట.
దీనితో ముందు ఉన్న రికార్డు వ్యూస్ అన్నీ తుడిచిపెట్టుకుపోయి ఈ ఎపిసోడ్ కి హైయెస్ట్ వ్యూస్ వచ్చాయట. మరి ఇందులో అల్లు అయాన్, అల్లు అర్హలలో అయాన్ తన మార్క్ మ్యానరిజంలు, మాటలతో ఎంతో ఎంటర్టైన్మెంట్ అందించగా అర్హ అయితే తన తెలుగుతో బాలయ్యని సైతం ఆశ్చర్యపరిచింది. ఇక బన్నీ షేర్ చేసుకున్న పలు అంశాలు, మెగాస్టార్ చిరంజీవి కోసం చేసిన కామెంట్స్ వంటివి ఈ ఎపిసోడ్ కి రికార్డు బ్రేకింగ్ రెస్పాన్స్ ని అందించాయట.