Chat on WhatsApp
Published on Nov 25, 2024 11:03 AM IST
ఐకాన్ స్టార్ అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. డిసెంబర్ 05న ఈ సినిమా బాక్సాఫీస్‌ను రూల్ చేసేందుకు సిద్ధమవుతుంది. ప్రస్తుతం ప్రమోషన్ కార్యక్రమాలను ముమ్మరంగా చేస్తున్నారు మేకర్స్. ఇందులో భాగంగా నిన్న రాత్రి చెన్నై వేదికగా పుష్ప 2 వైల్డ్ ఫైర్ ఈవెంట్ నిర్వహించారు. ఈ వేడుకలో అల్లు అర్జున్ మాట్లాడుతూ.. ‘పుష్ప వైల్డ్ ఫైర్ ఎలా ఉంటుందన్నది డిసెంబరు 5నుంచి దేశం మొత్తం చూస్తుంది. కచ్చితంగా ఇది అందరి మనసుల్ని తాకుతుంది’ అని అన్నారు.
బన్నీ ఇంకా మాట్లాడుతూ.. ‘మైత్రీ మూవీ మేకర్స్ వల్లే ఈ చిత్రం సాధ్యమైంది. సుకుమార్ నా జీవితం. తన వల్లే ఈరోజు ఈస్థాయికి వచ్చా. దేవిశ్రీ అందరికీ మ్యూజిక్‌ ఇస్తాడు. నాకు మాత్రం అదనంగా ప్రేమను కూడా ఇస్తాడు. ఈ చిత్రం కోసం నేను.. రష్మిక నాలుగేళ్ల పాటు కలిసి ప్రయాణం చేశాం. నేను తొలిసారి ఓ పాట కోసం కాస్తంత ఎక్కువ జాగ్రత్త పడ్డా. దానికి కారణం శ్రీలీల. ‘కిస్సిక్‌..’ పాటలో తనెలా డ్యాన్స్‌ చేసిందన్నది.. రేపు మీరు తెరపై చూడాల్సిందే’ అంటూ బన్నీ చెప్పుకొచ్చారు. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ తో పాటు తమన్ కూడా సంగీతం అందిస్తున్నారు.