Chat on WhatsApp
Published on Nov 28, 2024 2:00 AM IST
టాలీవుడ్‌లో తెరకెక్కిన ‘పుష్ప-2’ మేనియాతో ప్రస్తుతం సినీ లవర్స్ ఊగిపోతున్నారు. ఈ సినిమాను ఎప్పుడెప్పుడు చూద్దామా అని అందరూ ఆసక్తిగా చూస్తున్నారు. ఇక ఈ సినిమాను డిసెంబర్ 5న గ్రాండ్ రిలీజ్ చేస్తుండగా, ఈ సినిమాకు సంబంధించిన ప్రమోషన్స్‌ను శరవేగంగా నిర్వహిస్తున్నారు మేకర్స్. అయితే, తాజాగా కేరళలో జరుగుతున్న ఈ చిత్ర ఈవెంట్‌లో అల్లు అర్జున్ పాల్గొని, కేరళ ఆడియెన్స్‌కు ఓ సర్‌ప్రైజ్ ఇచ్చాడు.
ఈ సినిమాలోని నెక్స్ట్ సింగిల్ సాంగ్‌గా ‘పీలింగ్స్’ అనే సాంగ్‌ను రిలీజ్ చేయబోతున్నట్లు ఆయన తెలిపాడు. ఈ పాట మలయాళంలో స్టార్ట్ అవుతుందని.. అన్ని భాషల్లోనూ మలయాళం పదాలు స్టార్టింగ్ కోసం వాడినట్లుగా అల్లు అర్జున్ తెలిపాడు. ఇలా మలయాళం ఆడియెన్స్‌పై తనకున్న అభిమానాన్ని బన్నీ ఈ సందర్భంగా వ్యక్తం చేశాడు. ఇక ఈ పాటలో రష్మిక డ్యాన్స్ చూసి ఆమెను క్రష్మిక అంటూ పిలుస్తారని బన్నీ ధీమా వ్యక్తం చేశాడు. ఇలా పుష్ప-2 నుండి ‘పీలింగ్స్’ అంటూ ఇచ్చిన సర్‌ప్రైజ్ అదిరిపోయిందని అభిమానులు అంటున్నారు.