Published on Dec 13, 2024 11:59 PM IST
అల్లు అర్జున్ అరెస్ట్ నేపథ్యంలో ఉత్కంఠ పరిణామాలు చోటుచేసుకుంటున్నాయి. నాంపల్లి కోర్టు విధించిన 14 రోజుల రిమాండ్‌లో భాగంగా పోలీసులు ఆయనను చంచల్‌గూడ జైలుకు తరలించారు. అయితే, ఈ క్రమంలోనే హైకోర్టులో అల్లు అర్జు్న్‌కు మధ్యంత బెయిల్ మంజూరు కావడంతో ఆయన జైలు నుంచి విడుదల అవుతారని అందరూ ఆసక్తిగా చూస్తున్నారు.
కానీ, అల్లు అర్జున్ విడుదల శనివారం రోజునే ఉండనుందని జైలు అధికారులు వెల్లడించారు. శనివారం ఉదయం 6 గంటల తరువాతే అల్లు అర్జున్ విడుదల ఉంటుందని వారు తెలిపారు. అయితే, శుక్రవారం రాత్రి అల్లు అర్జున్ మంజీర బ్యారక్‌లో ఉండనున్నాడు. దీంతో అల్లు అర్జున్ విడుదలలో ఎందుకు జాప్యం జరుగుతుంది అనే అనుమానాలు అభిమానుల్లో వ్యక్తం అవుతున్నాయి.