‘పుష్ప-2’తో వరల్డ్‌వైడ్‌గా సెన్సేషన్ క్రియేట్ చేస్తున్నాడు ఐకాన్ స్టార్ అల్లు అర్జున్. ఈ సినిమా రిలీజ్ అయిన అన్ని చోట్ల కూడా సాలిడ్ రెస్పాన్స్‌తో దూసుకెళ్తుందని మేకర్స్ సంతోషం వ్యక్తం చేస్తున్నారు. ఇక ఈ సినిమాలో అల్లు అర్జున్ పర్ఫార్మెన్స్‌కి ప్రేక్షకులు ఫిదా అవుతున్నారు. అయితే, పుష్ప-2 తరువాత అల్లు అర్జున్ చేయబోయే సినిమాపై ఇప్పుడు సినీ సర్కిల్స్‌లో చర్చ సాగుతోంది.
అల్లు అర్జున్ తన నెక్స్ట్ చిత్రాన్ని మాటల మాంత్రికుడు త్రివిక్రమ్ డైరెక్షన్‌లో చేయనున్నాడు. ఇప్పటికే వీరి కాంబినేషన్‌లో జులాయి, సన్నాఫ్ సత్యమూర్తి, అల వైకుంఠపురములో వంటి బ్లాక్‌బస్టర్ హిట్స్ వచ్చాయి. ఇక త్రివిక్రమ్ తమ కాంబోలో మరో హ్యాట్రిక్‌ను స్టార్ట్ చేయాలని గట్టిగా ప్లాన్ చేస్తున్నాడు. దీని కోసం ఆయన చాలా రోజులుగా తన నెక్స్ట్ ప్రాజెక్ట్‌పై ఫోకస్ పెట్టాడు.
అయితే, ఈ సినిమాను తొలుత సంక్రాంతి కానుకగా స్టార్ట్ చేయాలని భావించారట. కానీ, కొన్ని కారణాల వల్ల మార్చి.. అటుపై వేసవికి షిఫ్ట్ అవుతూ వచ్చిందట. ఇక ఇప్పుడు ఏకంగా జూన్‌లోనే ఈ సినిమాను స్టార్ట్ చేస్తారనే టాక్ వినిపిస్తోంది. దీంతో అల్లు అర్జున్‌కి తన నెక్స్ట్ సినిమా కోసం చాలా గ్యాప్ తప్పేలా లేదు అనే వార్త సినీ సర్కిల్స్‌లో చక్కర్లు కొడుతోంది. మరి ఈ వార్తలో ఎంతవరకు నిజం ఉందనే విషయం తెలియాలంటే ఈ సినిమాకు సంబంధించిన అధికారిక ప్రకటన వచ్చే వరకు వెయిట్ చేయాల్సిందే.
The post ఐకాన్ స్టార్‌కి గ్యాప్ తప్పేలా లేదు..? first appeared on Latest Telugu Movie News, Reviews, OTT, OTT Reviews, Ratings.