Chat on WhatsApp
Published on Nov 30, 2024 2:00 AM IST
టాలీవుడ్ స్టార్ బ్యూటీ అనుష్క శెట్టి నటిస్తున్న లేటెస్ట్ మూవీ ‘ఘాటి’ ప్రేక్షకుల్లో సాలిడ్ అంచనాలను క్రియేట్ చేసింది. ఈ సినిమాకు సంబంధించిన ఫస్ట్ లుక్ పోస్టర్స్, వీడియో గ్లింప్స్ ఈ సినిమాపై అంచనాలను రెట్టింపు చేశాయి. ఈ సినిమాలో అనుష్క పాత్ర మాస్ షేడ్స్‌తో ఉండబోతున్నట్లు ఈ వీడియో గ్లింప్స్ చూస్తే అర్థమవుతోంది.
ఇక ఈ సినిను ఎప్పుడెప్పుడు చూద్దామా అని ప్రేక్షకులు ఎంతో ఆసక్తిగా ఎదురుచూస్తున్నారు. అయితే, తాజాగా ఈ సినిమా షూటింగ్‌కి సంబంధించి ఓ అప్డేట్ వినిపిస్తోంది. ఈ సినిమా షూటింగ్‌ను మేకర్స్ తాజాగా పూర్తి చేసినట్లుగా తెలుస్తోంది. షూటింగ్ పూర్తి కావడంతో ఇక పోస్ట్ ప్రొడక్షన్ పనులను కూడా వీలైనంత త్వరగా ముగించాలని చిత్ర యూనిట్ భావిస్తోందట.
ఈ సినిమాను దర్శకుడు క్రిష్ జాగర్లమూడి డైరెక్ట్ చేస్తుండటంతో ఈ చిత్రంలో ఎలాంటి కంటెంట్ ఉండబోతుందా అనే ఆసక్తి నెలకొంది. పాన్ ఇండియా మూవీగా రాబోతున్న ఈ సినిమాను వేసవి కానుకగా రిలీజ్ చేసేందుకు మేకర్స్ రెడీ అవుతున్నారు.