Chat on WhatsApp
Published on Nov 27, 2024 4:55 PM IST
అల్లరి నరేష్ హీరోగా నటిస్తున్న లేటెస్ట్ మూవీ ‘బచ్చల మల్లి’ టైటిల్‌తోనే ప్రేక్షకుల్లో మంచి బజ్‌ని క్రియేట్ చేసింది. ఈ సినిమాను దర్శకుడు సుబ్బు మంగదేవి డైరెక్ట్ చేస్తుండగా.. ఇందులో అల్లరి నరేష్ రఫ్ అండ్ రగడ్ లుక్‌లో కనిపిస్తున్నాడు. దీంతో ఈ సినిమా కంటెంట్ ఏమై ఉంటుందా అనే ఆసక్తి అందరిలో నెలకొంది.
ఇక ఈ సినిమా నుండి రీసెంట్‌గా రిలీజ్ అయిన ఫస్ట్ సింగిల్ సాంగ్‌కి కూడా మంచి రెస్పాన్స్ దక్కింది. అయితే, ఇప్పుడు ఈ సినిమా టీజర్‌ను రిలీజ్ చేసేందుకు మేకర్స్ రెడీ అయ్యారు. ‘బచ్చల మల్లి’ టీజర్‌ను నవంబర్ 28న సాయంత్రం 4.05 గంటలకు రిలీజ్ చేస్తున్నట్లు వారు ఓ పోస్టర్ ద్వారా వెల్లడించారు.
ఈ సినిమాలో నరేష్ పాత్ర సీరియస్‌గా సాగనుందని.. ఆయన చేసే యాక్షన్ ప్రేక్షకులకు సరికొత్త అనుభూతిని కలిగిస్తుందని చిత్ర యూనిట్ ధీమా వ్యక్తం చేస్తోంది. ఈ సినిమాలో అందాల భామ అమృత అయ్యర్ హీరోయిన్‌గా నటిస్తోంది. విశాల్ చంద్రశేఖర్ సంగీతం అందిస్తున్న ఈ సినిమాను డిసెంబర్ 20న గ్రాండ్ రిలీజ్ చేసేందుకు మేకర్స్ సిద్ధమయ్యారు.