Chat on WhatsApp
Published on Nov 29, 2024 9:02 AM IST
రీసెంట్ గానే నాచురల్ స్టార్ నాని హీరోగా నటించిన సాలిడ్ హిట్ చిత్రం “సరిపోదా శనివారం” తో తాను హ్యాట్రిక్ కొట్టిన సంగతి తెలిసిందే. మరి ఈ చిత్రం తర్వాత తన నుంచి మరింత స్ట్రాంగ్ లైనప్ వస్తుండగా ఈ లైనప్ లో తన “దసరా” దర్శకుడు శ్రీకాంత్ ఓదెలతో చేస్తున్న భారీ ప్రాజెక్ట్ “ప్యారడైజ్” కూడా ఒకటి. మరి దీనిపై అనౌన్సమెంట్ తోనే మంచి హైప్ సెట్టవ్వగా ఇపుడు శరవేగంగా షూటింగ్ కూడా జరుపుకుంటుంది.
అయితే ఈ సినిమాలో బాహుబలి నటి రమ్యకృష్ణ మంచి పాత్రలో కనిపించనున్నట్టుగా తెలుస్తుంది. రమ్యకృష్ణ ఈ సినిమాలో నానికి తల్లి పాత్ర పోషించనున్నట్టుగా ఇపుడు టాక్. మరి ఈ సినిమాలో తన రోల్ ఏ రేంజ్ లో ఉంటుందో చూడాలి. ఇక ఈ చిత్రం కాకుండా నాని సాలిడ్ క్రైమ్ థ్రిల్లర్ ఫ్రాంచైజ్ “హిట్ 3” లో కూడా నటిస్తున్న సంగతి తెలిసిందే. ఈ చిత్రాన్ని కూడా తాను పరిచయం చేసిన యువ దర్శకుడు శైలేష్ కొలను తెరకెక్కిస్తున్నాడు.