Chat on WhatsApp
Published on Nov 18, 2024 1:00 PM IST
ప్రశాంత్ వర్మ దర్శకత్వంలో నందమూరి మోక్షజ్ఞ హీరోగా ఓ సినిమా రాబోతున్న సంగతి తెలిసిందే. బాలయ్య తన తనయుడు చిత్ర పనుల్ని స్వయంగా పర్యవేక్షిస్తున్నారు. డిసెంబర్ మూడో వారం నుంచి ఈ సినిమా రెగ్యులర్‌ షూట్ స్టార్ట్ కానుంది. ఈ నేపథ్యంలో బాలయ్య తాజాగా స్క్రిప్ట్ మొత్తం విన్నారని.. బాలయ్యకి స్క్రిప్ట్ చాలా బాగా నచ్చిందని.. ముఖ్యంగా సినిమాలో సోషియో ఫాంటసీ ఎలిమెంట్స్ తో పాటు మోక్షజ్ఞ క్యారెక్టర్ ఎలివేషన్స్ కూడా బాలయ్యకి చాలా బాగా నచ్చాయట. మొత్తానికి ఈ సినిమా షూట్ కి బాలయ్య గ్రీన్ సిగ్నల్ ఇచ్చారు.
అన్నట్టు ఈ సినిమా చిత్రీకరణ కోసం ప్రశాంత్ వర్మ హైదరాబాద్‌ పరిసర ప్రాంతాల్లోనే కొన్ని ప్రత్యేక సెట్లు సిద్ధం చేస్తున్నట్లు తెలుస్తోంది. కాగా ప్రశాంత్ వర్మ సూపర్ హీరో సినిమాటిక్ యూనివర్స్ లోనే ఈ ప్రాజెక్ట్ కూడా ఉండబోతుందని టాక్. అంటే.. ఇండియన్ మైథాలజీలో ఉన్న క్యారెక్టర్స్ బేస్ చేసుకొని ఓ సూపర్ హీరో కథతో ఈ సినిమా ఉంటుందట. ఇప్పటికే, ఈ సినిమాలో నందమూరి మోక్షజ్ఞ సరసన అతిలోక సుందరి ‘దివంగత శ్రీదేవి’ చిన్న కూతురు ఖుషీ క‌పూర్ నటిస్తోందని వార్తలు వైరల్ అయ్యాయి. మొత్తమ్మీద నందమూరి అభిమానులు మాత్రం ఈ సినిమా కోసం ఆసక్తిగా ఎదురుచూస్తున్నారు.