2005లో విడుదలై బ్లాక్ బస్టర్ హిట్‌గా నిలిచిన “భద్ర” సినిమా నేటికి 20 ఏళ్లు పూర్తి చేసుకుంది. మాస్ మహారాజా రవితేజ (Ravi Teja) హీరోగా, బోయపాటి శ్రీను (Boyapati Srinu) దర్శకత్వంలో తెరకెక్కిన ఈ సినిమా అప్పట్లో బాక్సాఫీస్ రికార్డులను తిరగరాసింది. దేవి శ్రీ ప్రసాద్ సంగీతం, డైలాగ్స్, యాక్షన్ ఎలిమెంట్స్ – అన్నీ కలిసొచ్చి ఈ సినిమాను కల్ట్ క్లాసిక్ గా నిలిపాయి.
ఇదంతా జరుగడానికి ముందు ఒక ఆసక్తికర విషయం ఏమిటంటే, ఈ సినిమాను మొదట అల్లు అర్జున్ మరియు ఎన్టీఆర్‌కు ఆఫర్ చేయడం జరిగింది. కానీ అప్పట్లో అల్లు అర్జున్ ‘ఆర్య’ సినిమా కమిట్మెంట్ వల్ల భద్రను రిజెక్ట్ చేశాడట. తర్వాత కథ ఎన్టీఆర్‌ దగ్గరికి వెళ్లినా, కొన్ని కారణాల వల్ల ఆయన కూడా ఈ ప్రాజెక్ట్‌ను వదులుకున్నాడు. ఇక ఈ సినిమా రవితేజ వద్దకు వెళ్లి అతని కెరీర్‌లో మరో మాస్ ఇమేజ్ బలంగా నిలిపిన చిత్రంగా నిలిచింది.
నేటి తరంలో కూడా ‘భద్ర’ సినిమాకు అదే క్రేజ్ ఉంది. టీవీల్లో రీటెలికాస్ట్ అయినా కూడా, ప్రేక్షకులు ఛానెల్ మార్చకుండా చూసేలా ఉంది. సోషల్ మీడియాలో “20YearsForBhadra” అనే హ్యాష్‌ట్యాగ్ ట్రెండ్ అవుతోంది.
ఈ సినిమా వల్ల బోయపాటి శ్రీను దర్శకుడిగా గుర్తింపు పొందగా, రవితేజ మాస్ మసాలా హీరోగా నిలిచాడు. భవిష్యత్తులో ఈ సినిమాలోని పాత్రలతో స్పిన్-ఆఫ్ చేయాలనే చర్చలు కూడా కొన్ని అభిమానులలో జరుగుతున్నాయి.