Published on Dec 1, 2024 3:00 AM IST
మోస్ట్ వాంటెడ్ పాన్ ఇండియా మల్టీస్టారర్స్ లో క్రేజీ మూవీగా ‘వార్ 2’ మొదటి వరుసలో ఉంది. ‘ఎన్టీఆర్ – హృతిక్ రోషన్’ కలయికలో రాబోతున్న ఈ సినిమాకు సంబంధించి ఎలాంటి వార్త వచ్చినా నెట్టింట తెగ వైరల్ అవుతోంది. ఈ క్రమంలోనే ఈ సినిమా క్లైమాక్స్ ను పదిహేను రోజుల పాటు షూట్ చేయబోతున్న సంగతి తెలిసిందే. ఎన్టీఆర్ – హృతిక్ రోషన్’ కలయికలో ఈ క్లైమాక్స్ ఉండబోతుంది. అయితే, ఈ క్లైమాక్స్ లో ‘వార్ 3’కి లీడ్ ను కూడా రివీల్ చేయబోతున్నారు. ఐతే, ‘వార్ 3’ లో కన్నడ స్టార్ యశ్ కనిపిస్తాడని రూమర్ వినిపిస్తోంది.
కాగా ఈ మూవీ అప్డేట్స్ కోసం ఫ్యాన్స్ ఆసక్తిగా ఎదురుచూస్తున్నారు. పైగా ఎన్టీఆర్ – హృతిక్ రోషన్ కలయిక అనగానే ఆడియన్స్ లో కూడా భారీగా అంచనాలు పెరిగిపోయాయి. అన్నట్టు ‘వార్ 2’ కథ విషయానికి వస్తే.. హృతిక్ రోషన్ పాత్రకు దీటుగా ఎన్టీఆర్ పాత్ర ఉంటుందట. పైగా ‘వార్ 2’ అనేది యాక్షన్ ఫిల్మ్. నిర్మాత ఆదిత్య చోప్రా ఈ చిత్రాన్ని నిర్మిస్తున్నారు. ఇక ఈ చిత్రాన్ని బాలీవుడ్ దర్శకుడు అయాన్ ముఖర్జీ తెరకెక్కిస్తున్నారు.