Published on Oct 29, 2024 12:02 PM IST
కొరియోగ్రాఫర్ గా, డైరెక్టర్ గా, హీరోగా సక్సెస్ అయిన రాఘవ లారెన్స్ పుట్టినరోజు నేడు. ఈ సందర్భంగా ఆయన కొత్త సినిమా టైటిల్ అండ్ ఫస్ట్ లుక్ పోస్టర్‌ని రిలీజ్ చేశారు మేకర్స్. ఈ సినిమాకి ‘బుల్లెట్‌ బండి’ అనే టైటిల్ ను ఫిక్స్ చేశారు. ఈ సినిమా లారెన్స్ కెరీర్‌లోని 25వ సినిమాగా రాబోతుంది. ఇక ఈ ఫస్ట్ లుక్ పోస్టర్ విషయానికి వస్తే.. భయంకరమైన లుక్ లో అండ్ స్టైలిష్ పోలీసుగా లారెన్స్ కనిపిస్తున్నాడు. మొత్తానికి ఈ పోస్టర్ ఆకట్టుకుంది.
సామ్ సిఎస్ సంగీతం అందిస్తున్న ఈ సినిమా ఇన్నాసి పాండియన్ దర్శకత్వంలో రాబోతుంది. ప్రస్తుతం ఈ సినిమా నిర్మాణం శరవేగంగా జరుగుతోంది. ఫైవ్ స్టార్ క్రియేషన్స్ ఎల్‌ఎల్‌పికి చెందిన కతిరేశన్ ఈ సినిమాని నిర్మిస్తున్నారు. వైశాలి రాజ్, సునీల్ ముఖ్యమైన పాత్రల్లో నటిస్తున్న ఈ సినిమా పై మంచి అంచనాలు ఉన్నాయి. అన్నట్టు ఈ సినిమాలో బిగ్ యాక్షన్ అడ్వెంచర్‌ ఎలిమెంట్స్ హైలైట్ గా ఉంటాయట.