Chat on WhatsApp
Published on Nov 2, 2024 3:01 AM IST
టాలీవుడ్ ప్రొడ్యూసర్ నాగవంశీ తాజాగా ‘లక్కీ భాస్కర్’ సినిమాతో ప్రేక్షకుల ముందుకు వచ్చాడు. ఈ సినిమా ప్రేక్షకులను ఇంప్రెస్ చేసి, పాజిటివ్ టాక్‌తో దూసుకుపోతుంది. ఇక ఈ సినిమా సక్సెస్ మీట్‌లో నాగవంశీ పలు ఇంట్రెస్టింగ్ విషయాలను పంచుకున్నాడు. ఆయన త్రివిక్రమ్ డైరెక్షన్‌లో తెరకెక్కించిన చిత్రాలకు సంబంధించి కూడా పలు ఇంట్రెస్టింగ్ కామెంట్స్ చేశారు.
2018లో ఓ డిజాస్టర్ తరువాత త్రివిక్రమ్ రెండు బ్లాక్ బస్టర్ చిత్రాలను తమకు అందించాడని నాగవంశీ తెలిపాడు. ఇక ఈ క్రమంలోనే త్రివిక్రమ్‌తో 2029 ఎన్నికల ముందు ఓ పొలిటికల్ థ్రిల్లర్‌ను ఖచ్చితంగా తెరకెక్కిస్తామని నాగవంశీ తెలిపాడు. అయితే, త్రివిక్రమ్ ఈ పొలిటికల్ మూవీని పవర్ స్టార్ పవన్ కళ్యాణ్‌తో తెరకెక్కించే ఛాన్స్ ఎక్కువగా ఉందని సినీ సర్కిల్స్‌లో వార్తలు వినిపిస్తున్నాయి.
మరి నిజంగానే త్రివిక్రమ్ తెరకెక్కించబోయే పొలిటికల్ థ్రిల్లర్ మూవీ పవన్ కళ్యాణ్ కోసమేనా అనేది తెలియాలంటే అధికారికంగా అనౌన్స్ చేసే వరకు వెయిట్ చేయాల్సిందే.