Published on Oct 29, 2024 11:00 PM IST
అక్కినేని నాగచైతన్య నటిస్తున్న ప్రెస్టీజియస్ మూవీ ‘తండేల్’ ఇప్పటికే ప్రేక్షకుల్లో ఎలాంటి హైప్ క్రియేట్ చేసిందో అందరికీ తెలిసిందే. ఈ సినిమాను దర్శకుడు చందు మొండేటి డైరెక్ట్ చేస్తుండటంతో ఈ సినిమాపై అంచనాలు నెక్స్ట్ లెవెల్‌కి చేరుకున్నాయి. ఇక ఈ సినిమా నుండి ఇప్పటికే రిలీజ్ అయిన పోస్టర్స్, టీజర్ ఈ సినిమాపై ప్రేక్షకుల్లో మంచి బజ్‌ని క్రియేట్ చేశాయి. కాగా, ఈ సినిమాను ఎప్పుడెప్పుడు రిలీజ్ చేస్తారా అనే ఆసక్తి అభిమానుల్లో నెలకొంది.
అయితే, ఈ సినిమా రిలీజ్ డేట్ విషయంలో సినీ సర్కి్ల్స్‌లో గతకొద్ది రోజులుగా పలు రకాల వార్తలు వినిపిస్తున్నాయి. దీంతో అసలు ఈ సినిమా రిలీజ్ డేట్‌ని మేకర్స్ ఎప్పుడు అనౌన్స్ చేస్తారా అని అభిమానులు ఆసక్తిగా చూస్తున్నారు. ఈ క్రమంలో ఈ చిత్ర దర్శకుడు చందు మొండేటి తాజాగా జరిగిన ఓ సినిమా ఈవెంట్‌లో ‘తండేల్’ రిలీజ్ డేట్‌పై క్లారిటీ ఇచ్చాడు.
‘‘తండేల్ చిత్ర షూటింగ్ కేవలం 10 రోజులు మాత్రమే మిగిలి ఉందని.. ఈ సినిమాను సంక్రాంతి వరకు రెడీ చేస్తాం. రామ్ చరణ్ ‘గేమ్ ఛేంజర్’ కోసం అల్లు అరవింద్, వెంకటేశ్ సినిమా కోసం నాగచైతన్య వద్దనుకుంటే ‘తండేల్’ సంక్రాంతి రేస్‌లో రిలీజ్ కాదు.’’ అని చందు మొండేటి క్లారిటీ ఇచ్చారు. ఈ సినిమాలో అందాల భామ సాయి పల్లవి హీరోయిన్‌గా నటిస్తోంది. దేవిశ్రీ ప్రసాద్ సంగీతం అందిస్తున్న ఈ సినిమాను బన్నీ వాస్ ప్రొడ్యూస్ చేస్తున్నారు.