బాలీవుడ్ ను షేక్ చేస్తున్న ఛావా సినిమా, బాక్స్ ఆఫీస్ వద్ద రికార్డుల మోత మోగిస్తోంది. 16వ రోజు (మార్చి 2, 2025, శనివారం) ఈ చిత్రం ₹25 కోట్లు వసూలు చేసింది, దీంతో హిందీలో 16వ రోజు అత్యధిక వసూళ్లు సాధించిన సినిమా గా నిలిచింది. పాన్-ఇండియా విడుదల కాకపోయినా, కేవలం హిందీ భాషలోనే విడుదలై భారీ వసూళ్లు రాబట్టడం సినీ ఇండస్ట్రీలో హాట్ టాపిక్ గా మారింది. ఈ సినిమా ₹500 కోట్లకు చేరువలో ఉందని ట్రేడ్ అనలిస్ట్‌లు అంచనా వేస్తున్నారు.
రవి జాధవ్ దర్శకత్వంలో తెరకెక్కిన ఛావా సినిమా, ఛత్రపతి శివాజీ మహారాజ్ కుమారుడు సంభాజీ మహారాజ్ జీవిత కథ ఆధారంగా రూపొందింది. ఈ సినిమాలో రష్మిక మందన్న సంభాజీ మహారాజ్ భార్య యేసుబాయ్ పాత్రలో నటించి ప్రేక్షకులను ఆకట్టుకుంది. మరోవైపు, అక్షయ్ ఖన్నా ఔరంగజేబ్ పాత్రలో అదిరిపోయే నటనను కనబరిచారు. అలాగే డయానా పెంటీ, అశుతోష్ రాణా, దివ్య దత్తా, వినీత్ కుమార్ సింగ్, సంతోష్ జువేంకర్, ప్రదీప్ రావత్, కిరణ్ కర్మాకర్, అలోక్ నాథ్ తదితరులు కీలక పాత్రలు పోషించారు.
ఈ సినిమా భారీ స్థాయిలో తెరకెక్కిన విజువల్స్, సన్నివేశాలు, శక్తివంతమైన నటన ప్రేక్షకులను విశేషంగా ఆకట్టుకున్నాయి. ఛావా కేవలం హిందీ భాషలో మాత్రమే విడుదలైనప్పటికీ, పాన్-ఇండియా రేంజ్ లో హిట్ అవుతోంది. 16 రోజుల కలెక్షన్స్ చూసిన పరిశీలకులు ఇంకా భారీ వసూళ్లు సాధించే అవకాశం ఉంది అని చెబుతున్నారు.
సినిమాపై సోషల్ మీడియాలో హైప్ పెరుగుతూనే ఉంది. నెటిజన్లు సినిమా కలెక్షన్లు, నటన, కథ గురించి ట్రెండింగ్ లో పెట్టారు. సంభాజీ మహారాజ్ జీవితాన్ని బాలీవుడ్ బిగ్గెస్ట్ హిస్టారికల్ మూవీగా తెరపై చూపించిన ఛావా, ఇప్పటి వరకు వందలాది కోట్ల వసూళ్లను సాధించి బ్లాక్‌బస్టర్‌గా నిలిచింది.