Chat on WhatsApp
Published on Nov 14, 2024 7:07 AM IST
టాలీవుడ్ హీరో విజయ్ దేవరకొండ నటిస్తున్న లేటెస్ట్ మూవీ ‘VD12’ అనే వర్కింగ్ టైటిల్‌తో తెరకెక్కుతోంది. ఈ సినిమాను దర్శకుడు గౌతమ్ తిన్ననూరి డైరెక్ట్ చేస్తున్నాడు. ఇక ఈ సినిమాలో విజయ్ దేవరకొండ సరికొత్త మాస్ అవతారంలో కనిపిస్తుండటంతో ఈ సినిమాను ఎప్పుడెప్పుడు చూద్దామా అని అభిమానులు ఆసక్తిగా చూస్తున్నారు.
అయితే, ఈ సినిమా నుండి త్వరలోనే ఓ ఇంట్రెస్టింగ్ అప్డేట్ రానుందని తెలుస్తోంది. ఈ చిత్రానికి సంబంధించిన టీజర్‌ను త్వరలోనే రిలీజ్ చేసేందుకు మేకర్స్ రెడీ అవుతున్నారట. కాగా, ఈ టీజర్‌కు సంబంధించి సోషల్ మీడియాలో ఓ క్రేజీ న్యూస్ చక్కర్లు కొడుతోంది. ఈ టీజర్‌లో నందమూరి బాలకృష్ణ వాయిస్ ఓవర్ ఉండనుందనే వార్త సోషల్ మీడియాలో వైరల్ అవుతోంది.
దీంతో అభిమానుల్లో ఒక్కసారిగా VD12 టీజర్‌కి సంబంధించిన ఆసక్తి క్రియేట్ అయ్యింది. మరి నిజంగానే ఈ సినిమా టీజర్‌లో బాలయ్య పవర్‌ఫుల్ వాయిస్ ఓవర్ వినిపిస్తుందా.. లేక ఇదంతా కేవలం రూమర్‌గానే మిగిలిపోతుందా.. అనేది వేచి చూడాలి.