Published on Jan 5, 2025 12:00 PM IST
నటసింహం బాలయ్య – దర్శకుడు బాబీ కాంబినేషన్‌ లో “డాకు మహారాజ్” సినిమా సంక్రాంతి కానుకగా గ్రాండ్ రిలీజ్‌కు రెడీ అవుతోంది. మాస్ యాక్షన్ ఎంటర్‌టైనర్‌గా రాబోతున్న ఈ సినిమా పై దర్శకుడు బాబీ ఓ క్రేజీ విషయాన్ని చెప్పారు. ‘డాకు మహారాజ్’ సినిమా స్క్రిప్ట్ రాసే సమయంలో కథలో మరో పాత్ర అనుకున్నాం. ఆ పాత్రలో దుల్కర్ సల్మాన్ ను తీసుకోవాలనుకున్నాం. ఐతే, ఆ తర్వాత కథకు ఆ పాత్ర అవసరం లేదు అనిపించింది. అందుకే, దుల్కర్ “డాకు మహారాజ్”లో నటించలేదు’ అని బాబీ చెప్పుకొచ్చాడు.
కాగా సినిమాలో కొత్త ప్రపంచాన్ని చూస్తారని.. ప్రేక్షకులకు కచ్చితంగా కొత్త అనుభూతిని ఇస్తోంది అని బాబీ తెలిపారు. ఇక “డాకు మహారాజ్” సినిమా జనవరి 12, 2025న గ్రాండ్ రిలీజ్‌కి సిద్ధంగా ఉంది. కాగా ఈ చిత్రంలో శ్రద్ధా శ్రీనాథ్ మరియు ప్రగ్యా జైస్వాల్ కథానాయికలుగా నటించారు. సితార ఎంటర్‌టైన్‌మెంట్స్‌ పతాకంపై నాగ వంశీ, ఫార్చూన్‌ ఫోర్ సినిమాపై సాయి సౌజన్య ఈ సినిమాని నిర్మిస్తున్నారు. ఈ చిత్రానికి తమన్ సంగీతం అందిస్తుండగా బాబీ డియోల్ మరో కీలక పాత్రలో నటిస్తున్నాడు.