గాడ్ ఆఫ్ మాసెస్ నందమూరి బాలకృష్ణ నటించిన లేటెస్ట్ మూవీ ‘డాకు మహారాజ్’ సంక్రాంతి కానుకగా గ్రాండ్ రిలీజ్‌కు రెడీ అవుతోంది. ఈ సినిమాను దర్శకుడు బాబీ డైరెక్ట్ చేస్తుండటంతో ప్రేక్షకుల్లో ఈ చిత్రంపై అదిరిపోయే అంచనాలు క్రియేట్ అయ్యాయి. ఇక ఈ సినిమా నుంచి ఇప్పటికే రిలీజ్ అయిన ప్రమోషనల్ కంటెంట్ ప్రేక్షకుల్లో ఈ సినిమాపై అంచనాలను రెట్టింపు చేశాయి.
అయితే, ఈ సినిమా నుంచి న్యూ ఇయర్ కానుకగా మరో సాలిడ్ అప్డేట్ ఇచ్చారు మేకర్స్. ఈ సినిమాలోని మూడో సింగిల్ సాంగ్‌ను రిలీజ్ చేసేందుకు చిత్ర యూనిట్ సిద్ధమైంది. ఈ మూవీలో మూడో సింగిల్ సాంగ్‌గా ‘దబిడి దిబిడి’ అనే పాటను జనవరి 2న రిలీజ్ చేయబోతున్నట్లు మేకర్స్ వెల్లడించారు. ఈ మేరకు ఓ అదిరిపోయే పోస్టర్‌ను కూడా రిలీజ్ చేశారు. ఈ పాటలో బాలయ్యతో పాటు బాలీవుడ్ బ్యూటీ ఊర్వశి రౌతేలా స్టెప్పులు వేయబోతున్నట్లు తెలుస్తోంది.
ఇక ఈ సినిమాలో బాబీ డియోల్ విలన్ పాత్రలో నటిస్తుండగా, ప్రగ్యా జైస్వాల్, శ్రద్ధా శ్రీనాథ్, చాందిని చౌదరి తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు థమన్ సంగీతం అందిస్తుండగా సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లు సంయుక్తంగా ప్రొడ్యూస్ చేస్తున్నాయి.
The post దబిడి దిబిడే అంటున్న ‘డాకు మహారాజ్’! first appeared on Latest Telugu Movie News, Reviews, OTT, OTT Reviews, Ratings.