గాడ్ ఆఫ్ మాసెస్, నటసింహం నందమూరి బాలకృష్ణనటిస్తున్న చిత్రం ‘డాకు మహారాజ్’. బాలయ్య కెరీర్ లో 109వ సినిమాగా వస్తున్న ఈ సినిమాకు బాబీ కొల్లి దర్శకత్వం వహిస్తున్నారు. అత్యంత భారీ బడ్జెట్ పై హై అండ్ యాక్షన్ ఎంటర్టైనర్ గా రానున్న ఈ సినిమాను సితార ఎంటర్టైన్మెంట్స్, శ్రీకర ప్రొడక్షన్స్, ఫార్చ్యూన్ ఫోర్ బ్యానర్ పై నాగవంశీ, సాయి సౌజన్య సంయుక్తంగా నిర్మిస్తున్నాడు. శ్రద్ద శ్రీనాధ్, ప్రగ్యా జైస్వాల్ హీరోయిన్స్ గా నటిస్తుండగా, చాందిని చౌదరి, ఊర్వశి రౌతేలా కీలక పాత్రల్లో కనిపించనున్నారు.
కాగా నేడు USAలోని డల్లాస్ లో ఈ సినిమా ప్రీ రిలీజ్ ఈవెంట్ ను అత్యంత భారీ స్థాయిలో చాలా గ్రాండ్ గా నిర్వహించారు. వేలాది మంది అభిమానులు తరలిరావతో ఆడిటోరియం జై బాలయ్య నినాదాలతో హోరెత్తింది. ఈ నేపథ్యంలో ఈ డాకు మహారాజ్ థియేట్రీకల్ ట్రైలర్ లాంచ్ చేసారు మేకర్స్.దర్శకుడు బాబీ టేకింగ్ ఓ రేంజ్ లో ఉందనే చెప్పాలి. ఓన్లీ యాక్షన్ సీక్వెన్స్ తో ఔట్ అండ్ ఔట్ యాక్షన్ ఎంటర్టైనర్ గా ట్రైలర్ ను కట్ చేశారు మేకర్స్. నటిసింహం నందమూరి బాలకృష్ణ తన స్క్రీన్ ప్రెజెన్స్ తో తాండవం ఆడేసాడు. ఇక తమన్ నేపథ్య సంగీతం ట్రైలర్ ను నెక్స్ట్ లెవల్ కు తీసుకువెళ్ళింది.
Als0 Read : Venkatesh : ఏపిలో సంక్రాంతి వస్తున్నాం టికెట్ ధర పెంపు