Published on Nov 3, 2024 11:05 AM IST
తమిళ స్టార్ హీరో విజయ్ – దర్శకుడు లోకేశ్ కనగరాజ్‌ కలయికలో తెరకెక్కిన ‘లియో’ చిత్రం మంచి విజయాన్ని అందుకుంది. యాక్షన్‌ థ్రిల్లర్‌గా రూపుదిద్దుకున్న ఈ సినిమాకి సీక్వెల్ ఉంటే బాగుంటుందని విజయ్ ఫ్యాన్స్ కోరుకుంటున్నారు. ఈ నేపథ్యంలో లోకేశ్ లియో’ సీక్వెల్ పై క్రేజీ కామెంట్స్ చేశారు. ‘బ్లడీ బెగ్గర్‌’ వీక్షించిన లోకేశ్ కనగరాజ్‌ విలేకర్లతో మాట్లాడుతూ.. ‘విజయ్ అన్న ఓకే అంటే ‘లియో 2’ తప్పకుండా చేస్తాను. ప్రస్తుతం ఆయన రాజకీయాల్లో బిజీగా ఉన్నారు కాబట్టి, ‘లియో 2’కి ఇంకా టైమ్ పట్టొచ్చు’ అని లోకేశ్ క్లారిటీ ఇచ్చాడు.
లోకేశ్ కనగరాజ్‌ ఇంకా మాట్లాడుతూ.. ‘రాజకీయ నాయకుడిగానూ విజయ్ అన్న మంచి ఫలితాలు అందుకోవాలని కోరుకుంటున్నా’ అని చెప్పుకొచ్చారు. అనంతరం లోకేశ్ కనగరాజ్‌ ‘కూలీ’ చిత్రీకరణ గురించి కూడా మాట్లాడుతూ.. ‘ఈ సినిమా ప్రస్తుతం చిత్రీకరణ జరుగుతోంది. రెండు షెడ్యూల్స్‌లో పూర్తి అవుతుంది. షూట్‌ పూర్తయ్యాక రిలీజ్‌ డేట్‌ ప్రకటిస్తాం’ అని తెలిపారు. లోకేశ్ కనగరాజ్‌ తన సినిమాటిక్‌ యూనివర్స్‌తో భారతీయ సినీ ప్రేక్షకులకు కొత్త అనుభూతి పంచుతున్నాడు.