Published on Nov 12, 2024 1:01 AM IST
టాలీవుడ్‌లో ‘కలర్ ఫోటో’ చిత్రం ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమా ఏకంగా నేషనల్ అవార్డును కూడా గెలుచుకుని తన సత్తా చాటింది. ఇలాంటి సినిమాను డైరెక్ట్ చేసిన దర్శకుడు సందీప్ రాజ్ క్రిటిక్స్ ప్రశంసలు సైతం అందుకున్నాడు. అయితే, ఆయన తాజాగా ఓ హీరోయిన్‌తో నిశ్చితార్థం చేసుకున్నాడు.
హీరోయిన్ చాందిని రావును దర్శకుడు సందీప్ రాజ్ వివాహం చేసుకోబోతున్నాడు. తాజాగా వీరి నిశ్చితార్థం కూడా జరిగింది. దీనికి సంబంధించిన ఫోటోలు నెట్టింట చక్కర్లు కొడుతున్నాయి. గతకొంత కాలంగా వీరిద్దరు ఒకరినొకరు ఇష్టపడుతున్నారని.. మూడు ముళ్ల బంధంతో ఒకటి కాబోతున్నారని సినీ సర్కిల్స్‌లో వార్తలు వినిపించాయి. ఇప్పుడు ఆ వార్తలు నిజం అయ్యాయి. ఇక సందీప్ రాజ్, చాందిని రావు నిశ్చితార్థంతో పలువురు సెలబ్రిటీలు వారికి శుభాకాంక్షలు తెలుపుతున్నారు.