కోలీవుడ్ స్టార్ హీరో విజయ్ దళపతి అభిమానుల గుండెల్లో ప్రత్యేక స్థానం సంపాదించుకున్నాడు. తమిళంలో మాత్రమే కాదు, తెలుగు భాషలో కూడా ఆయన సినిమాలు మంచి గుర్తింపు పొందాయి. ప్రస్తుతం సినిమాలు, రాజకీయాల్లో బిజీగా ఉన్న విజయ్ తన వ్యక్తిగత జీవితాన్ని మీడియా నుండి దూరంగా ఉంచేందుకు ప్రయత్నిస్తారు.
విజయ్ కుటుంబంలో తనయుడు సంజయ్ ప్రత్యేక గుర్తింపు పొందుతున్నారు. హీరో కాకుండా దర్శకుడిగా రంగంలోకి ఎంట్రీ ఇచ్చిన సంజయ్ ఫిల్మ్ ఇన్ స్టిట్యూట్ నుంచి దర్శకత్వ పాఠాలు నేర్చుకుంటున్నారు. ఆయనకు డైరెక్షన్ పై విపరీతమైన ఆసక్తి ఉంది.
అలాగే, విజయ్ కూతురు దివ్య సాషా సినిమాలకు దూరంగా ఉంటూ బ్యాడ్మింటన్‌లో ప్రావీణ్యం సాధిస్తోంది. చిన్నప్పటి నుంచి స్పోర్ట్స్‌లో యాక్టివ్‌గా ఉన్న దివ్య అనేక టోర్నమెంట్లలో విజయం సాధించింది. సోషల్ మీడియా నుంచి దూరంగా ఉండటం వలన ఆమె గురించి లేటెస్ట్ అప్‌డేట్లు చాలా తక్కువగా లభిస్తున్నాయి. బాలనటిగా చిన్నగా నటించిన అనుభవం కలిగిన దివ్య ప్రస్తుతం క్రీడల్లో మంచి పేరు తెచ్చుకుంటోంది.
విజయ్ కుటుంబం వారి ప్రత్యేకతతో అభిమానుల ఆసక్తిని పెంచుతూ ముందుకు సాగుతుంది.