Chat on WhatsApp
Published on Nov 5, 2024 9:06 AM IST
బేబి డమరి సమర్పణలో శ్రీ పద్మాలయ ఎంటర్టైన్మెంట్స్, శ్రీ సుమన్ వెంకటాద్రి ప్రొడక్షన్స్ సంయుక్తంగా నిర్మిస్తున్న చిత్రం “ఎర్రచీర – ది బిగినింగ్”. ఈ సినిమాలో నటుడు రాజేంద్ర ప్రసాద్ ముద్దుల మనవరాలు బేబీ సాయి తేజస్విని నటిస్తోంది. “ఎర్రచీర – ది బిగినింగ్” మూవీకి సుమన్ బాబు స్వీయ దర్శకత్వం వహిస్తూ ఒక ముఖ్య పాత్ర పోషించారు. మదర్ సెంటిమెంట్, హార్రర్, యాక్షన్ కథతో ఈ సినిమా తెరకెక్కింది. డిసెంబర్ 20న “ఎర్రచీర – ది బిగినింగ్” తెలుగుతో పాటు తమిళ, మలయాళ, కన్నడ భాషల్లో గ్రాండ్ థియేట్రికల్ రిలీజ్ కు రెడీ అవుతోంది. ఈ సినిమా గ్లింప్స్ రిలీజ్ కార్యక్రమాన్ని హైదరాబాద్ ప్రసాద్ ల్యాబ్స్ లో నిర్వహించారు.
ఈ కార్యక్రమంలో దర్శక నిర్మాత తమ్మారెడ్డి భరద్వాజ మాట్లాడుతూ.. “ఎర్రచీర – ది బిగినింగ్” సినిమా గ్లింప్స్ రిలీజ్ ఈవెంట్ కు రావడం హ్యాపీగా ఉంది. హారర్, దేవుడు కాన్సెప్ట్ లతో సినిమాలు చేయడం ఈ మధ్య ట్రెండ్ గా మారింది. ఈ సినిమా కూడా ఆ ట్రెండ్ లోనే వస్తుందని అనుకోవచ్చు. అయితే ఇంకా డిఫరెంట్ గా ఈ మూవీని రూపొందించారు. బేబి సాయి తేజస్విని ముఖ్యపాత్రలో నటించింది. ఎర్రచీర సినిమా విజయం సాధించి ఈ టీమ్ అందరికీ సక్సెస్ ఇవ్వాలని కోరుకుంటున్నా.. అని అన్నారు.
చిత్ర దర్శకనిర్మాత, నటుడు సుమన్ బాబు మాట్లాడుతూ.. “ఎర్రచీర – ది బిగినింగ్” సినిమా గ్లింప్స్ ను ఈ రోజు కార్తీకమాసం పర్వదినం సందర్భంగా ఈ పెద్దల చేతుల మీదుగా రిలీజ్ చేసుకోవడం సంతోషంగా ఉంది. యాక్షన్, మదర్ సెంటిమెంట్ తో ఈ సినిమాను రూపొందించాను. సినిమాలోని 22 పాత్రలతో పాటు ఎర్రచీర కూడా 23వ పాత్ర పోషిస్తుంది. మొత్తం 45 నిమిషాలు గ్రాఫిక్స్ ఉంటాయి. ఈ సినిమాకు సీక్వెల్ కూడా ప్లాన్ చేస్తున్నాం. బేబి సాయితేజస్విని నటన మిమ్మల్ని ఆకట్టుకుంటుంది. ఈ కథలో డివోషనల్ టచ్ కూడా ఉంటుంది. డిసెంబర్ 20వ తేదీన తెలుగుతో పాటు తమిళ, మలయాళ, కన్నడ భాషల్లో “ఎర్రచీర – ది బిగినింగ్” సినిమాను విడుదల చేయబోతున్నాం. మరిన్ని ప్రెస్ మీట్స్ లో ఇంకా డీటెయిల్డ్ గా మూవీ హైలైట్స్ తెలియజేస్తాను.. అని అన్నారు.
నిర్మాత అంబికా కృష్ణ మాట్లాడుతూ.. “ఎర్రచీర – ది బిగినింగ్” సినిమా గ్లింప్స్ చాలా బాగుంది. మీ అందరికీ నచ్చిందని ఆశిస్తున్నాం. ఈరోజు ట్రెండ్ ప్రకారం ప్రేక్షకులకు కావాల్సిన కంటెంట్ ఉన్న చిత్రమిది. మదర్ సెంటిమెంట్ ను ప్రేక్షకులు ఎప్పుడూ ఆదరిస్తారు. సుమన్ బాబు, అతని టీమ్ అందరికీ ఆల్ ది బెస్ట్ చెబుతున్నా. “ఎర్రచీర – ది బిగినింగ్” సినిమా విజయవంతం కావాలని కోరుకుంటున్నా.. అని అన్నారు.
నిర్మాత గురురాజ్ మాట్లాడుతూ.. “ఎర్రచీర – ది బిగినింగ్” సినిమాలో నేను ఒక క్యారెక్టర్ చేశాను. అయితే అది ఏంటి అనేది ప్రస్తుతానికి సీక్రెట్ గా ఉంచుతున్నాం. ప్రేక్షకులకు కావాల్సిన అన్ని ఎలిమెంట్స్ తో తీసిన చిత్రమిది. సుమన్ బాబుకు ఈ సినిమా పెద్ద సక్సెస్ ఇవ్వాలని కోరుకుంటున్నా.. అని అన్నారు.