Published on Jan 1, 2025 12:04 AM IST
మెగాస్టార్ చిరంజీవి నటిస్తున్న ప్రెస్టీజియస్ చిత్రం ‘విశ్వంభర’ కోసం అభిమానులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు వశిష్ఠ తెరకెక్కిస్తుండగా పూర్తి సోషియో ఫాంటసీ మూవీగా ఈ చిత్రం ప్రేక్షకులను మెస్మరైజ్ చేసేందుకు సిద్ధమవుతోంది. ఇక ఇప్పటికే ఈ సినిమా నుంచి రిలీజ్ అయిన టీజర్‌కు ప్రేక్షకుల నుంచి మిక్సిడ్ టాక్ దక్కింది. దీంతో ఈ సినిమా యూనిట్ ఈ చిత్ర రిలీజ్ డేట్‌ను వాయిదా వేశారు.
అభిమానులకు అదిరిపోయే విజువల్ ట్రీట్ ఇచ్చేందుకు తాము ప్రయత్నిస్తున్నామని.. అందుకే ఈ సినిమా రిలీజ్ డేట్‌ను వాయిదా వేస్తున్నామని గతంలోనే మేకర్స్ వెల్లడించారు. కానీ, అప్పటి నుంచి ఇప్పటి వరకు ‘విశ్వంభర’ నుంచి మరొక అప్డేట్ రాలేదు. ఇప్పుడు న్యూ ఇయర్ కూడా రావడంతో మిగతా చిత్రాలు సందడి చేస్తున్నాయి. ఏదో ఒక అప్డేట్‌తో అభిమానులను పలకరిస్తున్నాయి.
కానీ, విశ్వంభర మాత్రం సైలెంట్‌గానే ఉండిపోయాడు. దీంతో మెగా ఫ్యాన్స్ తీవ్ర నిరాశకు లోనవుతున్నారు. న్యూ ఇయర్ సందర్భంగా.. లేదంటే సంక్రాంతి సందర్భంగా అయినా, ఏదో ఒక అప్డేట్ ఇస్తే బాగుంటుందని వారు కోరుతున్నారు. మరి ఇప్పటికైనా ‘విశ్వంభర’ మౌనం వీడుతాడా అనేది వేచి చూడాలి. ఇక ఈ సినిమాలో అందాల భామ త్రిష హీరోయిన్‌గా నటిస్తుండగా ఎం.ఎం.కీరవాణి ఈ చిత్రానికి సంగీతం అందిస్తున్నారు.