Chat on WhatsApp
Published on Nov 16, 2024 9:01 PM IST
ఐకాన్ స్టార్ అల్లు అర్జున్ లేటెస్ట్ సెన్సేషనల్ మూవీ ‘పుష్ప-2’ ట్రైలర్ లాంచ్ ప్రస్తుతం టాక్ ఆఫ్ ది నేషన్‌గా మారింది. ఈ సినిమా ట్రైలర్ లాంచ్ ఈవెంట్‌ను బిహార్‌లోని పాట్నాలో నిర్వహిస్తున్నట్లు మేకర్స్ ఇప్పటికే వెల్లడించారు. దీంతో అందరి చూపు ఇప్పుడు పాట్నా నగరంపై పడింది. ఇక ఈ ట్రైలర్ లాంచ్ ఈవెంట్ కోసం మేకర్స్ భారీగా ఏర్పాట్లు కూడా చేస్తున్నారు.
ఈ క్రమంలో ఈ ట్రైలర్ లాంచ్ ఈవెంట్‌ను ప్రత్యక్షంగా వీక్షించేందుకు అభిమానులు పెద్ద సంఖ్యలో పాట్నాలోని గాంధీ మైదాన్ వద్దకు చేరుకుంటున్నారు. ఇప్పటికే అక్కడి అల్లు అర్జున్ ఫ్యాన్స్ ట్రైలర్ లాంచ్ పాస్‌ల కోసం గాంధీ మైదాన్ వద్ద క్యూ కడుతున్నారు. జనం భారీగా ఈ ట్రైలర్ లాంచ్ ఈవెంట్‌కు హాజరవుతారని మేకర్స్ భావిస్తున్నారు. దీంతో భారీ పోలీసు బందోబస్తు కూడా ఏర్పాటు చేస్తున్నారు.
రష్మిక మందన్న హీరోయిన్‌గా నటిస్తున్న ఈ సినిమాలో ఫహద్ ఫాజిల్, సునీల్, అనసూయ తదితరులు ఇతర ముఖ్య పాత్రల్లో నటిస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు. ఇక ఈ ట్రైలర్ లాంచ్ ఈవెంట్ నవంబర్ 17న సాయంత్రం 5 గంటలకు ప్రారంభం కానుంది.