Chat on WhatsApp
Published on Nov 25, 2024 9:01 PM IST
యాంకర్ నుండి హీరోగా మారిన ప్రదీప్ మాచిరాజు తన తొలి సినిమా ‘30 రోజుల్లో ప్రేమించడం ఎలా?’తో డీసెంట్ హిట్ అందుకున్నాడు. ఇక ఇప్పుడు ప్రదీప్ మాచిరాజు తన రెండో సినిమాలో నటిస్తున్నాడు. ఇటీవల ఈ సినిమా టైటిల్‌ను మేకర్స్ అనౌన్స్ చేశారు. ఈ సినిమాకు ‘అక్కడ అమ్మాయి ఇక్కడ అబ్బాయి’ అనే టైటిల్‌ను ఫిక్స్ చేశారు.
అయితే, తాజాగా ఈ చిత్రం నుండి ఓ సాలిడ్ అప్డేట్‌ను మేకర్స్ వెల్లడించారు. ఈ సినిమాలోని ఫస్ట్ సింగిల్ సాంగ్‌గా ఓ మెలోడీ సాంగ్ రానుందని వారు తెలిపారు. ‘లేలే లేలే’ అంటూ సాగే ఈ మెలోడీ సాంగ్‌ను నవంబర్ 27న సాయంత్రం 4.05 గంటలకు రిలీజ్ చేస్తున్నట్లు చిత్ర యూనిట్ తెలిపింది.
ఇక ఈ పాటను లెజెండరీ సింగర్ ఉదిత్ నారాయణ్ పాడగా.. రాధన్ ఈ చిత్రానికి సంగీతం అందిస్తున్నాడు. ఈ సినిమాలో దీపిక పిల్లి హీరోయిన్‌గా నటిస్తుండగా నితిన్, భరత్ ఈ చిత్రాన్ని డైరెక్ట్ చేస్తున్నారు. డెక్కన్ డ్రీమ్స్, అన్నపూర్ణ స్టూడియోస్ బ్యానర్లు సంయుక్తంగా ఈ చిత్రాన్ని ప్రొడ్యూస్ చేస్తున్నాయి.