Published on Jan 5, 2025 11:00 AM IST
సూపర్ స్టార్ రజినీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కిన మాస్ యాక్షన్ ఎమోషనల్ ఎంటర్టైనర్ ‘జైలర్’ అద్భుత విజయాన్ని సాధించింది. ఇదిలా ఉంటే ఈ క్రైమ్‌ థ్రిల్లర్‌కు కొనసాగింపుగా ‘జైలర్ 2’ రాబోతున్న సంగతి తెలిసిందే. ఈ సినిమా చిత్రీకరణ మార్చి సెకండ్ వీక్ నుంచి స్టార్ట్ కాబోతుంది. ఇప్పటికే, టీమ్ షూట్ కి సన్నాహాలు చేస్తున్నారు. మొదట రజనీకాంత్ పై యాక్షన్ సీన్స్ ను షూట్ చేయబోతున్నారు. ఇందుకోసం ప్రత్యేకంగా సెట్ ను వేస్తున్నారట.
ఇక ఈ ‘జైలర్ 2’లో రజనీని తొలి భాగం కన్నా మరింత స్టైలిష్‌గా చూపించనున్నారని, అలాగే రజని లుక్ విషయంలో కూడా నెల్సన్ ప్రత్యేక జాగ్రత్తలు తీసుకున్నాడని తెలుస్తోంది. అన్నట్టు ఈ ‘జైలర్ 2’లో కూడా తమన్నా, యోగిబాబు, వినాయకన్, రమ్యకృష్ణ తదితరులు కీలక పాత్రల్లో నటించబోతున్నారు. సన్ పిక్చర్స్ బ్యానర్ పై కళానిధి మారన్ ఈ జైలర్ 2 ను కూడా గ్రాండ్ గా నిర్మించబోతున్నారు. ప్రస్తుతం రజనీకాంత్ ‘కూలీ’ సినిమాతో బిజీగా ఉన్నారు. టైగర్‌ కా హుకూమ్‌ అంటూ ‘జైలర్’లో హంగామా చేసిన రజనీకాంత్, జైలర్ 2లో ఎలాంటి హంగామా చేస్తారో చూడాలి.