గ్లోబల్ స్టార్ రామ్ చరణ్ హీరోగా స్టార్ దర్శకుడు శంకర్ కాంబినేషన్లో రాబోతున్న సెన్సేషనల్ ప్రాజెక్ట్ ‘గేమ్ ఛేంజర్’. జనవరి 10, 2025న ఈ సినిమా థియేటర్లలోకి రానుంది. ఈ పొలిటికల్ డ్రామా పై మెగా ఫ్యాన్స్ కి ఇప్పటికే విపరీతమైన అంచనాలు ఉన్నాయి. ఈ సినిమాలో కియారా అద్వానీ కథానాయికగా నటించింది. ఐతే, తాజా అప్‌డేట్‌ ప్రకారం.. గేమ్ ఛేంజర్ టీమ్, ‘ఆహా’లో పాపులర్ సెలబ్రిటీ టాక్ షో అయిన ‘అన్‌స్టాపబుల్ విత్ NBK సీజన్ 4’కి రాబోతుంది.
ఈ స్పెషల్ ఎపిసోడ్ షూటింగ్ డిసెంబర్ 31, 2024న జరగనుంది. మరి ఈ ఎపిసోడ్ లో రామ్ చరణ్‌తో పాటు ఎవరు జాయిన్ వస్తారో చూడాలి. ఇక వచ్చే ఏడాది సంక్రాంతికి విడుదలవుతున్న భారీ చిత్రాల్లో ఈ సినిమా కూడా ఒకటి. ఈ సినిమాలో మరో కీలక పాత్రలో అంజలి కనిపించనుంది. అన్నట్టు గేమ్ ఛేంజర్ నార్త్ ఇండియా థియేటర్స్ రైట్స్ ను అనిల్ తడాని యొక్క AA ఫిల్మ్స్ సొంతం చేసుకున్న సంగతి తెలిసిందే. తెలుగు, తమిళ, కన్నడ, మలయాళ, హిందీ భాషల్లో ‘గేమ్ ఛేంజర్’ విడుదల కానుంది.
The post ‘అన్ స్టాపబుల్ 4’కి రానున్న ‘గేమ్ ఛేంజర్’ టీమ్ ! first appeared on Latest Telugu Movie News, Reviews, OTT, OTT Reviews, Ratings.