స్టార్ హీరో విక్టరీ వెంకటేష్, దర్శకుడు అనిల్ రావిపూడి కాంబినేషన్‌లో తెరకెక్కిన లేటెస్ట్ మూవీ ‘సంక్రాంతికి వస్తున్నాం’ ఇప్పటికే ప్రేక్షకుల్లో సాలిడ్ అంచనాలను క్రియేట్ చేసింది. ఈ సినిమా నుండి రిలీజ్ అయిన పోస్టర్స్, లిరికల్ సాంగ్ అందరినీ ఆకట్టుకునే విధంగా ఉన్నాయి. దీంతో ఈ సినిమాపై పాజిటివ్ వైబ్స్ క్రియేట్ అవుతున్నాయి.
ఇక ఈ సినిమా నుండి ఫస్ట్ లిరికల్ సాంగ్‌గా రిలీజ్ అయిన ‘గోదారి గట్టు’ ప్రస్తుతం ట్రెమెండస్ రెస్పాన్స్‌తో దూసుకెళ్తుంది. భాస్కరభట్ట చక్కటి సాహిత్యానికి భీమ్స్ సిసిరోలియో అందించిన మెలోడీ ట్యూ్న్స్ ఆసక్తికరంగా ఉండటంతో ఈ పాట ప్రేక్షకులకు వెంటనే ఎక్కేసింది. దీనికి తోడు రమణ గోగుల చాలా కాలం తరువాత ఈ పాటను పాడటంతో ఆయన వాయిస్ రిఫ్రెషింగ్‌గా ఉండటం కూడా ఈ పాట సక్సె్స్‌కి కారణం అని చెప్పాలి.
తాజాగా గోదారి గట్టు సాంగ్ యూట్యూబ్‌లో సెన్సేషన్ క్రియేట్ చేస్తూ దూసుకెళ్తోంది. ఈ పాటకు ఏకంగా 10 మిలియన్‌కి పైగా వ్యూస్ దక్కాయి. అంతేగాక, 225K లైక్స్‌తో గోదారి గట్టు సాంగ్ దుమ్ములేపుతోంది. ఈ పాటలో వెంకటేష్, ఐశ్వర్య రాజేష్‌ల కెమిస్ట్రీ సూపర్బ్‌గా ఉందంటూ ప్రేక్షకులు కితాబిస్తున్నారు. ఈ చిత్రాన్ని సంక్రాంతి కానుకగా జనవరి 14న గ్రాండ్ రిలీజ్‌కి రెడీ చేశారు.
The post ‘గోదారి గట్టు’ సాంగ్‌కి ట్రెమెండస్ రెస్పాన్స్ first appeared on Latest Telugu Movie News, Reviews, OTT, OTT Reviews, Ratings.