Chat on WhatsApp
స్టార్ హీరో విక్టరీ వెంకటేష్ నటిస్తున్న లేటెస్ట్ మూవీ ‘సంక్రాంతికి వస్తున్నాం’ షూటింగ్ పనులు ముగించుకుని పోస్ట్ ప్రొడక్షన్ పనుల్లో బిజీగా ఉంది. ఈ సినిమాను దర్శకుడు అనిల్ రావిపూడి డైరెక్ట్ చేస్తుండటంతో ఈ మూవీపై మంచి బజ్ క్రియేట్ అయ్యింది. ఇక ఈ సినిమా నుండి ఇప్పటివరకు రిలీజ్ అయిన కంటెంట్ ఆకట్టుకునే విధంగా ఉండటంతో ప్రేక్షకుల్లో ఈ సినిమాపై అంచనాలు పెరిగాయి.
అయితే, తాజాగా ఈ సినిమా నుండి ఫస్ట్ సింగిల్ సాంగ్‌గా ‘గోదారి గట్టు’ అనే పాటను రిలీజ్ చేశారు. భాస్కరభట్ల రచించిన ఈ పాటకు భీమ్స్ సిసిరోలియో చక్కటి సంగీతాన్ని అందించాడు. ఇక ఈ పాటను ప్రముఖ సింగర్ కమ్ మ్యూజిక్ డైరెక్టర్ రమణ గోగుల చాలా కాలం తరువాత పాడటంతో ఈ పాట రిఫ్రెషింగ్‌గా అనిపిస్తుంది. తనదైన మార్క్ వాయిస్‌తో ఈ పాటకు మరింత అందాన్ని తీసుకొచ్చాడు రమణ గోగుల. ఆయనతో పాటు మధుప్రియ కూడా చక్కగా పాడింది.
సినిమాలో ఈ పాటను విక్టరీ వెంకటేష్, ఐశ్వర్య రాజేష్‌లపై చిత్రీకరించారు. వారిద్దరి మధ్య కెమిస్ట్రీ ప్రేక్షకులను ఆకట్టుకునే విధంగా ఉండబోతుందని ఈ లిరికల్ వీడియో సాంగ్ చూస్తే అర్థమవుతోంది. ఇక ఈ సినిమాలో మరో హీరోయిన్‌గా మీనాక్షి చౌదరి నటిస్తోంది. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై శిరీష్, దిల్ రాజు ప్రొడ్యూస్ చేస్తున్నారు. సంక్రాంతి కానుకగా ఈ చిత్రాన్ని జనవరి 14న గ్రాండ్ రిలీజ్ చేస్తున్నారు.
వీడియో కోసం ఇక్కడ క్లిక్ చేయండి
The post మెలోడీతో మ్యాజిక్ చేసిన ‘గోదారి గట్టు’ సాంగ్ first appeared on Latest Telugu Movie News, Reviews, OTT, OTT Reviews, Ratings.