Chat on WhatsApp
నార్మల్ గా శ్రీమురళి అంటే మన తెలుగు ఆడియెన్స్ కి ప్రత్యేకంగా తెలియకపోవచ్చు కానీ దర్శకుడు ప్రశాంత్ నీల్ డెబ్యూ సినిమా ఇప్పుడు సలార్ కి ఒరిజినల్ సినిమా “ఉగ్రం” సినిమా హీరో అంటే చాలా మందికి తెలియొచ్చు. మరి ఆ హీరో నటించిన భారీ సినిమానే “బఘీర”. దర్శకుడు ప్రశాంత్ నీల్ అందించిన కథతో చేసిన ఈ భారీ సినిమాని కేజీయఫ్ సలార్ నిర్మాతలే తెరకెక్కించడం విశేషం. మరి పాన్ ఇండియా లెవెల్లో అనౌన్స్ చేసిన ఈ సినిమాని తెలుగులో ఏషియన్ సురేష్ ఎంటర్‌టైన్‌మెంట్ ఎల్‌ఎల్‌పి వారు తీసుకొస్తున్నారు. ఈ దీపావళి కానుకగా అక్టోబర్ 31న ప్రపంచవ్యాప్తంగా థియేటర్లలో బఘీర విడుదల కానుంది. ఈ సందర్భంగా హీరో శ్రీమురళి విలేకరులు సమావేశంలో సినిమా విశేషాలని పంచుకున్నారు. మరి తాను ఎలాంటి విషయాలు షేర్ చేసుకున్నారో చూద్దాం.
చెప్పండి ‘బఘీర’ ఎలా స్టార్ట్ అయ్యింది ?
ప్రశాంత్ నీల్ గారు ఫస్ట్ స్టోరీ ఇచ్చారు. నన్ను ఈ స్టొరీ చేయమని చెప్పారు. ఆయన అంటే నాకు చాలా ఇష్టం. నా కెరీర్ లో ఉగ్రం లాంటి ఒక గొప్ప సినిమా ఇచ్చారు. ఉగ్రం సినిమా సమయంలో మేము చాలా క్లోజ్ అయ్యాం. హోంబలే ఫిలింస్ ప్రొడ్యూస్ చేస్తామని ముందుకు వచ్చారు. అలా ఈ ప్రాజెక్టు మొదలైంది.
తెలుగు చాలా చక్కగా మాట్లాడుతున్నారు ?
మా అత్తగారిది నెల్లూరు. ఇంట్లో వైఫ్, అత్తగారు తెలుగు మాట్లాడుతారు. అలా వచ్చింది (నవ్వుతూ)
ఈ క్యారెక్టర్ కోసం మూడేళ్లు జిమ్ ట్రైనింగ్ తీసుకున్నారని విన్నాం ?
అవునండి. క్యారెక్టర్ అలాంటిది. నేను నిజానికి ఫుడ్ లవర్ ని. చికెన్, మటన్, రైస్ అన్ని ఇష్టంగా తింటాను. బిర్యాని అంటే పిచ్చి. కానీ ఈ మూడేళ్లు చాలా కష్టంగా గడిచింది. చాలా స్ట్రిక్ డైట్ చేశాను. లిక్విడ్ డైట్ చేశాను. అది చాలా ఛాలెంజ్. నా కెరీర్లో ఇది వెరీ డేరింగ్, అండ్ ఛాలెంజింగ్ క్యారెక్టర్. క్యారెక్టర్ డిమాండ్ ప్రకారం చాలా డెడికేటెడ్ గా వర్క్ చేశాను. ఈ మూడేళ్లలో నాలో చాలా మార్పులు వచ్చాయి.
మీ డైరెక్టర్ డాక్టర్ సూరి కోసం చెప్పండి?
ప్రశాంత్ నీల్ గారు స్టోరీ ఇచ్చారు. డైరెక్టర్ సూరి గారు 100% కథని అద్భుతంగా స్క్రీన్ మీదకు తీసుకొచ్చారు. ఈ స్టోరీని, ఐడియాని అద్భుతంగా ఎరలైజ్ చేశారు. ఈ స్క్రిప్ట్ కి ఏం కావాలో అవన్నీ అద్భుతంగా ఎగ్జిక్యూట్ చేశారు. ఇది లార్జర్ దెన్ లైఫ్ క్యారెక్టర్. యూనివర్సల్ అప్పీల్ ఉన్న కంటెంట్. డైరెక్టర్ గారు నా నుండి చాలా మంచి పెర్ఫార్మన్స్ ని రాబట్టుకున్నారు. పర్సనల్ గా ఇది నాకు చాలా ఫేవరెట్ క్యారెక్టర్. సూరి గారి లాంటి బ్రిలియంట్ టెక్నీషియన్ తో వర్క్ చేయడం గ్రేట్ ఎక్స్ పీరియన్స్.
కథ కాకుండా ప్రశాంత్ నీల్ గారి సపోర్టు సినిమాకి ఉందా?
నాకు ప్రశాంత్ నీల్ గారి సపోర్టు ఎప్పుడు ఉంటుంది. టీంలో అందరం డిస్కస్ చేసుకునేవాళ్ళు. ప్రశాంత్ నీల్ గారికి గ్రేట్ విజన్ ఉంది. నన్ను ఆయన చూసే పర్స్పెక్టివ్ డిఫరెంట్. ఆయన నన్ను చాలా బలంగా నమ్మారు.
ఈ సినిమా విషయంలో నాదొక సిన్సియర్ రిక్వెస్ట్, సినిమాకి బ్లాంక్ మైండ్ తో రండి. నన్ను ఒక న్యూ బోర్న్ యాక్టర్ గానే చూసి బ్లెస్స్ చేయమని కోరుతున్నాను. ఉగ్రం, బఘీర కంప్లీట్ డిఫరెంట్ ఫిలిమ్స్. ప్రతి ఒక్కరిలో హీరో ఉంటారు. ఆ హీరో ఎప్పుడు బయటకు వస్తాడో తెలియదు. ‘బఘీర’ సినిమా చూసి బయటకు వస్తున్నప్పుడు ప్రేక్షకులు కూడా ‘బఘీర’లా ఫీల్ అవుతారని నమ్ముకున్నాను. తప్పకుండా అందరూ వచ్చి సినిమా చూసి సపోర్ట్ చేయాలని కోరుకుంటున్నాను.
రుక్మిణి వసంత్, ప్రకాష్ రాజ్ గారి వర్క్ ఎక్స్ పీరియన్స్ గురించి?
ఫెంటాస్టిక్. నేను ప్రకాష్ రాజు గారికి పెద్ద ఫ్యాన్ ని. ఆయనతో వర్క్ చేయడం వండర్ఫుల్ ఎక్స్పీరియన్స్. ఆయన్నుంచి చాలా విషయాలు నేర్చుకున్నాను. రుక్మిణి వసంత్ వెరీ గుడ్ హీరోయిన్. వెరీ సిన్సియర్, వెరీ నేచురల్ యాక్టర్.
మీ నుంచి తెలుగులో వస్తున్న మొదటి సినిమా ఇది, ఈ సినిమానే తీసుకురావడానికి కారణం?
ఇది మా ప్రొడక్షన్ కాల్. చాలా మంచి సినిమా చేశా. దేశమంతా చూడదగ్గ సినిమా ఇది. ఆ నమ్మకంతో ఈ సినిమాని ప్రేక్షకులు ముందుకు తీసుకొస్తున్నాం. తెలుగు ప్రేక్షకుల నుంచి లవ్, సపోర్ట్ లభిస్తుందని నమ్ముతున్నాను.
అజనీష్ లోక్‌నాథ్ మ్యూజిక్ గురించి ?
అజనీష్ ది బెస్ట్ మ్యూజిక్ ఇచ్చారు. ఆయన డిఫరెంట్ సినిమాలు చేస్తుంటారు. మిగతా సినిమాలతో పోల్చుకుంటే ఈ సినిమాలో చాలా డిఫరెంట్ మ్యూజిక్ ఉంటుంది. ఇందులో లవ్ ట్రాక్, ఎమోషనల్ ట్రాక్స్ , కథని డ్రైవ్ చేసే మ్యూజిక్ అన్నీ అద్భుతంగా కుదిరాయి. గ్రేట్ అవుట్ ఫుట్ ఇచ్చారు.
ఉగ్రం 2 అనౌన్స్ చేశారు కదా.. అందులో మీ క్యారెక్టర్ గురించి ?
అది నాకు తెలియదండి. మీరు ప్రశాంత్ నీల్ గారిని అడగాలి (నవ్వుతూ). ఆయనతో వర్క్ చేయడానికి నేను ఎదురుచూస్తున్నాను.
మల్టీ స్టారర్ సినిమాలు చేయడానికి ఆసక్తి చూపుతారా?
కథ బావుండి, కథలో నా క్యారెక్టర్ కి ఇంపార్టెన్స్ ఉంటే మల్టీ స్టారర్స్ లో పార్ట్ అవడం నాకు ఇష్టమే.