Published on Dec 10, 2024 7:00 PM IST
మ్యాచో స్టార్ గోపీచంద్ ఇటీవల వరుస డిజాస్టర్స్‌తో సతమతమవుతున్నాడు. ఆయన రీసెంట్‌గా ‘విశ్వం’ మూవీతో ప్రేక్షకుల ముందుకు వచ్చాడు. అయితే, ఆ సినిమా అనుకున్న స్థాయిలో విజయాన్ని అందుకోలేకపోయింది. ఇక తన నెక్స్ట్ చిత్రాన్ని ఎవరితో చేస్తాడా అని గోపీచంద్ అభిమానులు ఆసక్తిగా చూస్తున్నారు.
అయితే, గోపీచంద్ తాజాగా ఓ యంగ్ డైరెక్టర్‌కి ఓకే చెప్పినట్లుగా తెలుస్తోంది. దర్శకుడు సంకల్ప్ రెడ్డి చెప్పిన ఓ కథకు గోపీచంద్ ఓకే చెప్పాడని తెలుస్తోంది. గతంలో ఘాజీ, అంతరిక్షం వంటి ఔట్ ఆఫ్ ది బాక్స్ చిత్రాలను తెరకెక్కించిన సంకల్ప్ రెడ్డి, ఈసారి అందుకు భిన్నంగా ఓ కథను రెడీ చేస్తున్నాడని తెలుస్తోంది. ఈ కథను గోపీచంద్‌కు వినిపించగా, అది ఆయనకు నచ్చినట్లుగా వార్తలు వస్తున్నాయి.
మరి నిజంగానే రెడ్డి గారి కథ మ్యాచో స్టార్‌కి నచ్చిందా.. అనేది తెలియాల్సి ఉంది. ఇక తన నెక్స్ట్ మూవీతో ఎలాగైనా తిరిగి సక్సెస్ ట్రాక్ ఎక్కాలని హీరోతో పాటు దర్శకుడు కూడా ఫిక్స్ అయ్యారు.