Published on Nov 20, 2024 10:00 AM IST
మ్యాన్ ఆఫ్ మాసెస్ ఎన్టీఆర్ హీరోగా నటించిన లేటెస్ట్ హిట్ చిత్రం “దేవర” కోసం అందరికీ తెలిసిందే. మరి ఈ చిత్రం తర్వాత తారక్ నుంచి మరిన్ని భారీ సినిమాలు కూడా రాబోతున్నాయి. అయితే తన లైనప్ పట్ల ఫ్యాన్స్ అంతా ఓ రేంజ్ లో ఎగ్జైటెడ్ గా ఉండగా ఈ లైనప్ లోనే పలువురు టాప్ పాన్ ఇండియా దర్శకులతో పాటుగా ఓ యువ దర్శకునితో కూడా తారక్ సినిమా చేస్తుండడం కన్ఫర్మ్ అయ్యినట్టుగా తెలుస్తుంది.
మరి కొన్నాళ్ల కితం ఎమోషనల్ సూపర్ హిట్ “హాయ్ నాన్న” చిత్రంతో మంచి డెబ్యూ ఇచ్చిన దర్శకుడు శౌర్యువ్ తో తారక్ ఓ సినిమా చేస్తాడని బజ్ వచ్చిన సంగతి తెలిసిందే. ఇపుడు ఇదే నిజం అయినట్టు తెలుస్తుంది. తారక్ శౌర్యువ్ ని ఓకే చేసినట్టుగా ఇపుడు ఊహాగానాలు మొదలయ్యాయి. మరి ఇందులో ఎంతవరకు నిజం ఉంది అనేది మరికొంత కాలం ఆగి చూడాల్సిందే. ప్రస్తుతం తారక్ వార్ 2(War 2) అలాగే దర్శకుడు ప్రశాంత్ నీల్ భారీ ప్రాజెక్ట్ లలో బిజీగా ఉన్నాడు.