Chat on WhatsApp
Published on Nov 11, 2024 1:09 PM IST
పాన్ ఇండియా స్టార్ ప్రభాస్ హీరోగా నటించిన “కల్కి 2898 ఎడి” బ్లాక్ బస్టర్ హిట్ ను సాధించింది. అటు కలెక్షన్స్ లోనూ సరికొత్త రికార్డ్స్ ను క్రియేట్ చేసింది. ఐతే, ఇప్పుడు ఇండియన్ సినిమా గ్లోబలైజ్ అయిపోయింది. వరల్డ్ వైడ్ గా ఇండియన్ సినిమాకి ఫ్యాన్స్ పెరిగిపోవడంతో పాటు కోట్లు కురిపించే విధంగా మార్కెట్ భారీ స్థాయిలో బిల్డ్ అయిపోయింది. ఈ క్రమంలోనే జపాన్ లో కూడా మన సినిమాలకు గిరాకీ పెరిగింది.
కాగా “కల్కి 2898 ఎడి” జపాన్‌లో జనవరి 3న, 2025న గ్రాండ్ రిలీజ్ కాబోతుందని మేకర్స్ అధికారికంగా ప్రకటించారు. కొత్త పోస్టర్‌తో అధికారికంగా మేకర్స్ తెలియజేశారు. ఈ చిత్రం రష్యన్ – డబ్బింగ్ వెర్షన్ ఈ నెల ప్రారంభంలో విడుదలైంది, త్వరలో చైనీస్ వెర్షన్ కోసం కూడా ప్లాన్ చేస్తున్నారు. ఇంతకీ, ఈ సినిమా జపాన్ బాక్సాఫీస్ వద్ద ఎలా రాణిస్తుందో చూడాలి. మరోవైపు జపాన్ లో మాత్రం “కల్కి 2898 ఎడి” పై భారీ అంచనాలు ఉన్నాయి.
అందుకు ప్రధాన కారణం, ప్రభాస్ హీరోగా నటించిన ‘మిస్టర్ పర్‌ఫెక్ట్’ సినిమాకు జపాన్ ప్రేక్షకులు ఫిదా అయ్యారు. 2011లో వచ్చిన ఈ సినిమాను జపాన్‌లో రిలీజ్ చేశారు. ఐతే, ‘మిస్టర్ పర్‌ఫెక్ట్’ సినిమాకి ఊహించని రెస్పాన్స్ వచ్చింది. ఈ రెస్పాన్స్ తో జపాన్ లో ప్రభాస్ ను చాలా బాగా ఆదరిస్తున్నారని అర్ధమైంది. అలాగే, ఆ తర్వాత 2017లో జపాన్ లో ‘బాహుబలి’ రిలీజవగా.. అక్కడ దాదాపు 1 మిలియన్ యూ.ఎస్.డిలను వసూలు చేసి రికార్డు క్రియేట్ చేసింది. కాగా కల్కి ఆ రికార్డ్స్ అన్నిటినీ బ్రేక్ చేసే అవకాశం ఉందని అంచనా వేస్తున్నారు.