Chat on WhatsApp
Published on Nov 14, 2024 9:00 PM IST
పాన్ ఇండియా స్టార్ ప్రభాస్ నటించిన రీసెంట్ మూవీ ‘కల్కి 2898 AD’ ఇండియన్ బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో మనం చూశాం. ఈ సినిమాను దర్శకుడు నాగ్ అశ్విన్ తెరకెక్కించిన విధానం ప్రేక్షకులను ఆకట్టుకుంది. ఈ సినిమాను సై ఫై థ్రిల్లర్‌గా మేకర్స్ భారీ బడ్జెట్‌తో రూపొందించారు. ఇక ఈ సినిమాలో భైరవ అనే పాత్రలో ప్రభాస్ నటనతో అదరగొట్టాడు.
అయితే, ఈ సినిమాలో ప్రభాస్ పాత్రకు ఎంత ప్రాముఖ్యత ఉంటుందో.. ఆయనతో పాటు ఉండే సూపర్ కార్ ‘బుజ్జి’ కూడా అంతే ప్రాధాన్యతను కలిగి ఉంటుంది. హీరోకు తోడుగా ‘బుజ్జి’ చేసే వండర్స్ అందరినీ ఆకట్టుకున్నాయి. అయితే, తాజాగా బాలల దినోత్సవం కానుకగా ఈ ‘బుజ్జి’కారును చిన్నారుల కోసం ప్రత్యేకంగా ప్రదర్శనకు పెట్టారు. హైదరాబాద్‌లోని ప్రసాద్స్ ఐమాక్స్ థియేటర్ వద్ద ‘బుజ్జి’ సూపర్ కారను స్కూల్ విద్యార్ధుల కోసం ప్రత్యేక ప్రదర్శనకు పెట్టారు.
దీంతో చిన్నారులు ఈ బుజ్జి కారుని చూసి థ్రిల్ అవుతున్నారు. అంతేగాక, కల్కి చిత్రానికి సంబంధించి పలు మెర్చండైజ్‌లు కూడా ప్రసాద్స్ వద్ద అమ్మకానికి పెట్టారు. ఇలా బాలల దినోత్సం రోజున కల్కి టీమ్ పిల్లల కోసం ఇలాంటి అడుగు తీసుకోవడంతో అభిమానులు ప్రశంసలు కురిపిస్తున్నారు.
Celebrate Children’s Day with the super car #Bujji at Prasads Multiplex, Hyderabad.
Grab #Kalki2898AD exclusive limited edition merchandise, available now!@SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms @Kalki2898AD… pic.twitter.com/3FRVV83PHo
— Kalki 2898 AD (@Kalki2898AD) November 14, 2024