టాలీవుడ్‌లో హారర్ కామెడీ సినిమాల ప్రేమికులకు “కాంచన” సినిమా ఒక ప్రత్యేక స్థానం కలిగింది. ఈ ఫ్రాంచైజీని ప్రేక్షకులు ఎంతగానో ప్రేమించారు, థియేటర్స్‌లో కూడా విపరీతమైన విజయాన్ని అందుకుంది. ఇప్పటివరకు వచ్చిన కాంచన 1, 2, 3 భాగాలు ప్రేక్షకులను కడుపుబ్బా నవ్వించడంతో పాటు, థ్రిల్ కూడా ఇచ్చాయి. ఇప్పుడు, కాంచన 4 రాబోతుందని అధికారికంగా తెలుస్తోంది. అయితే, ఈసారి సౌత్ హీరోయిన్ల స్థానంలో బాలీవుడ్ క్రేజీ బ్యూటీ నోరా ఫతేహి ఈ ప్రాజెక్ట్‌లో జాయిన్ కానుందని టాక్. తాజాగా, ఈ మూవీ షూటింగ్ హైదరాబాద్‌లో ప్రారంభమైంది.
నోరా ఫతేహి, “దిల్బర్” పాటతో పాన్-ఇండియా ప్రేక్షకులను ఆకట్టుకుని, బాలీవుడ్‌లో సూపర్ హిట్ చిత్రాల్లో నటిస్తూ మంచి గుర్తింపు తెచ్చుకుంది. ప్రత్యేకంగా, గ్లామర్ మరియు స్పెషల్ సాంగ్స్ లో తనదైన స్టైల్‌తో గుర్తింపు పొందింది. తెలుగులోనూ పలు స్పెషల్ సాంగ్స్ చేసిన నోరా, ఇప్పుడు కాంచన 4 తో హారర్ కామెడీ జోనర్‌లోకి అడుగు పెట్టనుంది. దీనిపై అధికారిక ప్రకటన ఇంకా రాలేకపోయినా, త్వరలోనే క్లారిటీ రానుందని సినీ వర్గాల్లో చర్చ నడుస్తోంది.
రాఘవ లారెన్స్ 2007లో “ముని” సినిమాతో ఈ ఫ్రాంచైజీని ప్రారంభించాడు. ఆ తర్వాత ముని 2, కాంచన, కాంచన 2, కాంచన 3 చిత్రాలతో వరుసగా హిట్స్ అందుకున్నాడు. ప్రేక్షకులను థ్రిల్, కామెడీ మిక్స్ తో అలరించిన ఈ సిరీస్ ఇప్పుడు కాంచన 4 తో మరోసారి విజయం సాధించేందుకు సిద్ధమవుతోంది. గతంలో పూజా హెగ్డే, మృణాల్ ఠాకూర్ లాంటి హీరోయిన్స్ ఈ ప్రాజెక్ట్‌లో నటిస్తారనే వార్తలు వచ్చాయి, కానీ అధికారిక ప్రకటన మాత్రం రాలేదు.
నోరా ఫతేహి చివరిసారిగా “మడ్గావ్ ఎక్స్‌ప్రెస్” లో కనిపించింది. ఇప్పుడు కాంచన 4 లో భాగమవ్వడం, సినిమా గురించి మరిన్ని అప్‌డేట్స్ త్వరలో వెల్లడి అవుతాయని సమాచారం. ఈ మూవీ హారర్, కామెడీతో పాటు, మరింత వినోదాన్ని అందించనుందని సినీ అభిమానులు ఆశిస్తున్నారు.