Chat on WhatsApp
Published on Nov 13, 2024 10:00 PM IST
తమిళ స్టార్ హీరో సూర్య నటించిన లేటెస్ట్ మూవీ ‘కంగువా’ మరికొద్ది గంటల్లో వరల్డ్‌వైడ్‌గా థియేటర్లలో రిలీజ్ కానుంది. ఈ సినిమాను దర్శకుడు శివ పూర్తి ఫాంటెసీ యాక్షన్ థ్రిల్లర్‌గా తెరకెక్కించాడు. ఇక ఈ సినిమా పోస్టర్స్, టీజర్, ట్రైలర్లు ‘కంగువా’పై భారీ అంచనాలను క్రియేట్ చేశాయి. దానికి తగ్గట్టుగా ఈ చిత్ర ప్రమోషన్స్‌ను కూడా భారీ స్థాయిలో నిర్వహించారు మేకర్స్.
ఇక ఇండియాతో పాటు ఈ సినిమాకు ఓవర్సీస్‌లోనూ సాలిడ్ రెస్పాన్స్ లభిస్తోందని మేకర్స్ చెబుతున్నారు. ఈ సినిమా బుధవారం రోజున యూఎస్ బాక్సాఫీస్ దగ్గర ప్రీమియర్స్ వేస్తున్నారు. అక్కడ వస్తున్న రెస్పాన్స్‌తో ఈ సినిమా ప్రీ-సేల్స్‌తో దుమ్ములేపుతోందని చిత్ర యూనిట్ తెలిపింది. ఇండియాతో పాటు ఓవర్సీస్‌లో కలిపి సూర్య కెరీర్‌లోనే ‘కంగువా’ మూవీ బిగ్గెస్ట్ రిలీజ్‌గా రానుంది.
‘కంగువా’ మూవీలో సూర్య రెండు వైవిధ్యమైన గెటప్స్‌లో కనిపించనున్నాడు. అందాల భామ దిషా పటాని హీరోయిన్‌గా నటిస్తున్న ఈ సినిమాలో బాబీ డియోల్ విలన్‌గా నటిస్తున్నాడు. దేవిశ్రీ ప్రసాద్ సంగీతం అందిస్తున్న ఈ సినిమాను స్టూడియో గ్రీన్, యువి క్రియేషన్స్ బ్యానర్లు సంయుక్తంగా ప్రొడ్యూస్ చేస్తున్నాయి.