ఫేమస్ మైసూరు శాండల్ సోప్‌కు తమన్నా భాటియాను బ్రాండ్ అంబాసిడర్‌గా నియమించడం ఇప్పుడు కర్ణాటకలో పెద్ద వివాదంగా మారింది. రూ. 6.2 కోట్ల డీల్‌తో కర్ణాటక ప్రభుత్వం తమన్నాతో రెండు సంవత్సరాల కాంట్రాక్ట్ సైన్ చేసింది. కానీ ఈ నిర్ణయం కన్నడ అభిమానులకు అంతగా నచ్చలేదని స్పష్టమవుతోంది. “కన్నడలో అంత మంది టాలెంటెడ్ హీరోయిన్లు ఉన్నప్పటికీ ఎందుకు తమన్నా?” అంటూ సోషల్ మీడియాలో విమర్శలు వెల్లువెత్తుతున్నాయి.
ఈ అంశంపై ప్రముఖ నటి రమ్యా (దివ్యా స్పందన) కూడా స్పందించారు. ఆమె తన సోషల్ మీడియా హ్యాండిల్‌ ద్వారా, “మైసూరు శాండల్ సోప్ కేవలం ఉత్పత్తి కాదు.. అది కర్ణాటక యొక్క సంస్కృతి, చారిత్రక గుర్తింపు” అని పేర్కొన్నారు. ఈ తరహా ప్రతిష్టాత్మక బ్రాండ్‌కి స్థానిక నటీమణులైన రష్మిక మందన్నా, శ్రీలీలా వంటి వారిని తీసుకోవాల్సిందని ప్రభుత్వానికి సూచించారు. ఆమె చేసిన ఈ పోస్ట్ కాసేపట్లోనే వైరల్ అయ్యింది.
తమన్నా భాటియా తెలుగుతో పాటు తమిళ, హిందీ చిత్రాలలో నటించి మంచి గుర్తింపు పొందినప్పటికీ, కన్నడ ఫిల్మ్ ఇండస్ట్రీలో ఆమె ప్రత్యేకంగా సెటిల్ కాలేదు. ఈ కారణంగానే మైసూరు శాండల్ సోప్‌కు ఆమెను ఎంపిక చేయడంపై కర్ణాటక నెటిజన్లు మరియు పరిశ్రమ వర్గాలు అసంతృప్తి వ్యక్తం చేస్తున్నాయి. “ఇది కేవలం ప్రచారం కోసం కాదు, రాష్ట్ర గౌరవాన్ని ప్రతిబింబించే అవకాశం” అని వారు అభిప్రాయపడుతున్నారు.
ప్రస్తుతం ఈ వివాదం సోషల్ మీడియాలో పెద్ద చర్చగా మారింది. ఒకవైపు తమన్నా ఫ్యాన్స్ ఆమెకు మద్దతు ఇస్తుండగా, మరోవైపు కర్ణాటక అభిమానులు స్థానిక టాలెంట్‌కు ప్రాధాన్యం ఇవ్వాలని డిమాండ్ చేస్తున్నారు. మైసూరు శాండల్ సోప్ సంస్థ అయిన KSDL ఇప్పటివరకు ఈ విషయంపై అధికారిక ప్రకటన though ఇవ్వలేదు. కానీ ఈ వివాదం ఇంకా కొన్నాళ్లు నెట్టుకుంటుందని సినీ వర్గాలు అంచనా వేస్తున్నాయి.